فوتو: اشىق دەرەككوز
الەۋمەتتىك جەلىدەگى لەنتا تابيعات, مادەنيەت, سپورت جانە ەل جەتىستىكتەرى تۋرالى پوستتارمەن «جانىپ تۇر». پايدالانۋشىلار ءوز ەموتسيالارى مەن ەستەلىكتەرىمەن ءبولىسىپ, فلەشموب مىندەت ەمەس, شىنايى پاتريوتتىق قاجەتتىلىككە اينالدى.
«قازاقستان» دەگەن ءسوزدى ايتقاندا, جىلى سەزىم وزىنەن-ءوزى پايدا بولادى»
adil_orynbassar ەسىمدى پايدالانۋشى فلەشموبتان العان اسەرىن ءبولىستى.
«قازاقستان تۋرالى ءسوز بولعاندا, جىلى سەزىم وزىنەن-ءوزى تۋىندايدى. قازىر ءار سارسەنبى قازاقستان كۇنى رەتىندە اتالىپ جاتىر. وسى ورايدا مەن ەل تابيعاتىن ەرەكشە اتاپ وتكىم كەلەدى. الاتاۋدىڭ مۇزداعان شىڭدارى, بۋرابايدىڭ تىنىشتىعى, شارىن شاتقالىنىڭ اسقاقتىعى, كولسايدىڭ سۇلۋلىعى جانە كاسپي جاعالاۋى – ءبارى ساياحاتشىعا ەرەكشە ەنەرگيا سىيلايدى», دەدى ول.
«Threads اشتىم – ماسشتابقا تاڭعالدىم»
«Threads اشتىم دا تاڭعالدىم. نۇرلان قويانباەۆ قازاقستان كۇنىنە ارنالعان جاڭا فلەشموب باستاپتى. ءبىز, حالىق, بۇل باستامانى قولدايمىز. قازاقستان قازىر قارقىندى دامىپ جاتىر, اسىرەسە سپورت سالاسىنداعى جەتىستىكتەر ايقىن بايقالادى. جاڭا سپورت كەشەندەرى اشىلىپ, بۇقارالىق سپورت قولجەتىمدى بولىپ جاتىر. حالىقارالىق ارەنادا تابىسقا جەتكەن سپورتشىلار – ەلدىڭ شىنايى ماقتانىشى», دەيدى gamal_tuzelbayev.
بۇل جاڭا ءداستۇردىڭ باستاۋى, ونى ادامداردىڭ كوڭىل-كۇيىنەن كورۋگە بولادى
skairatovna_official فلەشموبتىڭ بىرىكتىرۋشى كۇش ەكەنىن اتاپ ءوتتى.
«بۇگىن جاڭا ءداستۇر باستالدى. الەۋمەتتىك جەلىدە جىلى سوزدەر, جۇرەكتەن شىققان ەستەلىكتەر جانە ەلگە دەگەن ماقتانىش كەڭىنەن تارالىپ جاتىر. ادامداردىڭ ءبىر ساتتە بىرىككەنى شىن مانىندە قۋانتادى. ەندى ءار سارسەنبى تەك قازاقستان تۋرالى جاقسى جاڭالىقتارعا ارنالادى. بۇل باستامانى قولداۋ – وتانعا دەگەن ەڭ ادەمى ماحاببات فورماسى», دەيدى جەلى قولدانۋشىسى.
فلەشموبقا شەتەلدەگى قازاقستاندىقتار دا قوسىلدى
ءارتۇرلى ەلدەردەگى پايدالانۋشىلار ءپاتريوتيزمنىڭ شەكارا بىلمەيتىنىن كورسەتۋدە. ماسەلەن ilon_a_k بىلاي دەپ جازادى:
«بۇگىن شەتەلدەگى قازاقستاندىقتار ءوز ەلىن تانىستىرۋ ءۇشىن بىرىگىپ وتىر. ماقسات – الەمگە مادەنيەتىمىزدى, ءداستۇرىمىزدى, تابيعاتىمىزدى جانە ۇلتتىق ەرەكشەلىگىمىزدى كورسەتۋ. شەتەلدە تۇراتىندار قازاقستان تۋرالى ءوز ەلىنىڭ تىلىندە جازىپ, وتانعا دەگەن ماحابباتپەن بولىسە الادى. مەن دە فلەشموبقا قوسىلامىن».
بۇگىندە پاتريوتتىققا تولى فلەشموب تۇراقتى داستۇرگە اينالدى, سوندىقتان Threads-تاعى ءار سارسەنبى ەرەكشە وتەدى. پايدالانۋشىلار داۋلاسپايدى, تۇرمىستىق ماسەلەلەردى تالقىلامايدى, ءبىر-بىرىمەن ۇندەسىپ, ەلدى بىرىكتىرەتىن نارسەلەردى ءسوز ەتەدى. ءار پوستپەن ەلگە دەگەن ماقتانىش سەزىمى كۇشەيەدى, ساندىق پاتريوتيزم دەپ ايتۋعا دا بولادى.
باستاپقىدا قاراپايىم باستاما بولىپ كورىنگەن نارسە ۇلتتىق ماقتانىش سيمۆولىنا اينالدى, اپتالىق فلەشموب «مەن ءوز ەلىمدى جاقسى كورەمىن» دەپ ايتۋعا سەبەپ بولدى.
