فوتو: astanahub.com
JobEscape پلاتفورماسى – باعدارلامالاۋدى بىلمەيتىن, بىراق ونلاين بيزنەستى قولعا العىسى كەلەتىن قولدانۋشىلارعا ارنالعان. ولار no-code قۇرالداردى پايدالانىپ, چات-بوتتار, اۆتوماتتاندىرىلعان سەرۆيس جۇيەلەرى, كليەنتكە قىزمەت كورسەتۋ ينتەرفەيستەرىن قۇرۋدى ۇيرەنەدى.
ميراس سوۆەتوۆتىڭ ايتۋىنشا, باستاپقى ماقسات – بيزنەسكە قولجەتىمدى ءارى ارزان قۇرالدار ۇسىنۋ.
«كوپ كومپانيالار اۆتوماتتاندىرىلعان جۇيەنى قوسقىسى كەلەدى, بىراق باعدارلاماشى جالداۋ قىمبات. ءبىز سول الشاقتىقتى جويامىز», دەيدى ول.
بۇل باعىت پاندەميا كەزىندە ءوسىپ, قازىر ودان ءارى دامي تۇسكەن. JobEscape ءتاسىلى مىسالعا نەگىزدەلگەن. پايدالانۋشىلار تەوريامەن قاتار ناقتى بوت قۇرىپ, ونى جىلجىمالى تۇردە سىناي الادى.
ميراس سوۆەتوۆ ستۋدەنت كەزىنەن باستاپ ستارتاپپەن اينالىسىپ, العاشىندا اۋىل شارۋاشىلىعى باعىتىنداعى AgroTech جوباسىن ىسكە قوسقان. كەيىن انتي-چيت جۇيەسىن جاساپ, ساتۋعا شىعارعان.
«بىراق نەگىزگى تابىس JobEscape پلاتفورماسىنان تۇسكەن. باستاپقى ينۆەستيتسيالار, جەكە قاراجات پەن سىرتتان تارتىلعان اقشا – بارلىعى 1 ملن دوللار شاماسىندا بولدى. ال قازىر پلاتفورما نارىقتا كەڭ تارالىپ, ونىڭ الەۋەتى 50 ملن دوللار دەپ باعالانىپ وتىر», دەيدى ول.
JobEscape سەكىلدى جوبالار قازاقستاندا باعدارلامالاۋ نەمەسە IT-ءبىلىم دەڭگەيى تومەن ايماقتاردا كاسىپكەرلىك پەن تسيفرلىق داعدىلاردى مەڭگەرۋگە مۇمكىندىك اشادى.
ەكونوميستەر AI مەن اۆتوماتتاندىرۋ بولاشاقتا كوپتەگەن سالانى وزگەرتەتىنىن ايتادى. ال مۇنداي ءبىلىم بەرۋ پلاتفورمالارى ەڭبەك نارىعىنداعى باسەكەلەستىكتى كۇشەيتىپ, جاڭا ماماندىقتار مەن قىزمەت كورسەتۋلەرگە جول اشادى.
JobEscape كومانداسى:
- پلاتفورمانى اعىلشىن, ورىس جانە قازاق تىلدەرىنە تولىق اۋدارىپ شىعۋدى;
- كورپوراتيۆتىك كليەنتتەرگە ارنالعان B2B باعىتىندا بوت جانە اۆتوماتتاندىرىلعان جۇيەلەر جاساۋ كۋرستارىن ەنگىزۋدى;
- سونداي-اق جاساندى ينتەللەكتىنى تەرەڭ مەڭگەرۋدى كوزدەيتىن advanced كۋرستار اشۋدى جوسپارلاپ وتىر.
وسى قادامدار جۇزەگە اسسا, JobEscape الەمدىك دەڭگەيدەگى EdTech شەشىمدەر قاتارىندا تانىلۋى مۇمكىن.
