الايدا ءورت تيگەن ساۋدا ورىندارىنىڭ ىشىندە زەرگەرلىك شەبەرحانانىڭ ايرىقشا وتقا ورانعانى پوليتسەيلەردىڭ نازارىنان تىس قالمادى.
بەينەباقىلاۋ كامەرالارىنداعى جازبالاردى مۇقيات تەكسەرگەندە ءبىر ادامنىڭ وسى زەرگەرلىك شەبەرحانانىڭ الدىندا كوبىرەك تۇرعانى جانە ارتىنان ساۋدا پالاتكالارىنىڭ بىرىنە الدەبىر زاتتى مۇقيات تىققانى ءتۇسىپ قالعان ەكەن. ءورت وسىدان كەيىن شىققان.
پوليتسەيلەر الگى ساۋدا پالاتاسىن تەكسەرگەندە ونىڭ ءورت المايتىن بولىگىندەگى تەمىر جاشىككە قۇنى 1 ملن تەڭگەدەن استام زەرگەرلىك بۇيىمداردىڭ جاسىرىلعانى بەلگىلى بولدى. ءسويتىپ, ساۋدا ۇيىنە قاساقانا ءورت سالىپ, ۇرلاعان زاتتارىن كەيىن الۋدى جوسپارلاعان 32 جاستاعى پەتروپاۆلدىق ۇستالدى. قازىر ونىڭ ۇستىنەن قىلمىستىق ءىس قوزعالدى.
جىل باسىنان بەرى سولتۇستىك قازاقستان وبلىسىندا بەينەكامەرالاردىڭ كومەگىمەن 800 قىلمىس, ونىڭ ىشىندە 208 ۇرلىق اشىلعان.
پەتروپاۆل
