فوتو: اشىق دەرەككوز
م.ابەنوۆتىڭ سوزىنشە, دەپۋتاتتار زاڭعا كەلىسىمشارتتىڭ كەڭەيتىلگەن تۇسىنىگىن بەكىتەتىن نورمالاردى ەنگىزدى. بۇل اسىرەسە كوپتەگەن مامىلەلەر ونلاين فورماتتا جاسالىپ جاتقان قازىرگى جاعدايدا ماڭىزدى.
ء«بىز كەلىسىمشارتتىڭ فورماسىن دا ناقتىلاپ جازدىق. قازىر قولىمىزدا قاعاز تۇرىندەگى شارت جوق, ءبارى ونلاين. كەز كەلگەن اڭگىمەمىز, بەينەجازبا, WhatsApp-تاعى حات الماسۋ, ءتىپتى جارناما دا كەلىسىمشارتتىڭ قۇرامداس بولىگى بولىپ سانالادى. ەگەر ءبىز حات جازىسساق, مەن ساعان Kaspi ارقىلى اقشا جىبەرسەم, سەن ماعان ءۇش جىلدىق كەپىلدىك بەرۋگە ۋادە ەتسەڭ – مۇنىڭ ءبارى كەلىسىمشارت بولىپ ەسەپتەلەدى», دەدى دەپۋتات.
ابەنوۆ اتاپ وتكەندەي, ەندى ساتۋشى نەمەسە قىزمەت كورسەتۋشى قول قويىلعان قۇجات جوق دەگەن سىلتاۋمەن مىندەتتەمەدەن باس تارتا المايدى.
«ەگەر شارت ورىندالماسا, ساتۋشى: «بىزدە كەلىسىمشارت بولعان جوق, مەن ەشتەڭەگە قول قويعان جوقپىن» دەپ ايتا المايدى. بۇكىل حات الماسۋ كەلىسىمشارت بولىپ سانالادى. ءبىز مۇنى ارنايى زاڭعا ەنگىزىپ وتىرمىز, سەبەبى ازامات قورعالۋى ءتيىس. كومپانيالاردا مىقتى زاڭگەرلەر بار, ال قاراپايىم ادام قورعانسىز», دەدى ول.
ابەنوۆتىڭ پىكىرىنشە, جاڭا نورما تۇتىنۋشىلاردىڭ قۇقىقتارىن كۇشەيتىپ, ازاماتتار مەن بيزنەس اراسىنداعى داۋلى جاعدايلاردى ازايتادى.
