فوتو: اشىق دەرەككوز
وقۋ-اعارتۋ مينيسترلىگىنىڭ مالىمەتىنشە, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت, ءبىلىم بەرۋ, وتباسى جانە مەملەكەتتىك باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جاڭا زاڭدا مەملەكەتتىك باقىلاۋ مەن ءبىلىم بەرۋ ۇيىمدارىن باعالاۋ جۇيەسىنىڭ فۋنكتسيالارى ناقتى اجىراتىلدى. سونىڭ ناتيجەسىندە ء«بىلىم تۋرالى» زاڭعا اتتەستاتتاۋعا قاتىستى جاڭا ەرەجەلەر ەنگىزىلدى.
ء«بىلىم بەرۋ ۇيىمدارىن اتتەستاتتاۋ – ءبىلىم ساپاسى مەن قولجەتىمدىلىگىن باعالاۋعا, سونداي-اق مەملەكەتتىك جالپىعا مىندەتتى ستاندارت تالاپتارىنا سايكەستىگىن ايقىنداۋعا باعىتتالۋدا. مۇنداعى ماقسات ءبىلىم بەرۋ ۇيىمدارىنىڭ جۇمىس تيىمدىلىگىن ارتتىرۋ مەن وقۋ پروتسەسىن جەتىلدىرۋ بولىپ تابىلادى», دەيدى ءبىلىم سالاسىندا ساپانى قامتاماسىز ەتۋ كوميتەتىنىڭ تورعاسى سەرىك ءاشىروۆ.
مينيسترلىك ۇسىنعان مالىمەتكە سايكەس, بيىلدىڭ وزىندە كوميتەتتىڭ اۋماقتىق دەپارتامەنتتەرى 2 700-گە جۋىق ءبىلىم بەرۋ ۇيىمىن اتتەستاتتاۋدان وتكىزگەن.
