فوتو: سۋ رەسۋرستارى جانە يرريگاتسيا مينيسترلىگى
مامانداردىڭ ايتۋىنشا, مەحانيكالىق تازارتۋ سۋ شىعىنىن ازايتىپ, سۋدىڭ القاپتارعا توقتاۋسىز جەتۋىنە مۇمكىندىك بەرەدى. تازارتۋ شارالارى قازان ايىندا باستالىپ, سۋارۋ ماۋسىمى باستالعانعا دەيىن تولىق اياقتالۋى ءتيىس.
اۋىل ەڭبەككەرلەرى ۇزاق جىلدار كۇتتىرگەن بۇل جۇمىستارعا ريزاشىلىق بىلدىرگەن. ء«سۇلۋتور» كانالى ارقىلى 120 گەكتاردان اسا جوڭىشقا القابى سۋارىلاتىن بولسا دا, ارىق سوڭعى بىرنەشە ونجىلدىق بويى جوندەۋ كورمەگەن. سونىڭ كەسىرىنەن سۋ ارنادان شىعىپ, كوپ بولىگى ىسىراپ بولعان.
«بۇرىن اۋىل تۇرعىندارىمەن جينالىپ, ارىقتى تاۋعا دەيىن كۇرەكپەن تازالايتىنبىز. ودان بەرى قانشا جىل ءوتتى. ارىق بىتەلىپ, ءشوپ ءوسىپ كەتكەن ەدى. سونىڭ سالدارىنان اۋىلعا سۋ دۇرىس جەتپەيتىن. مىنە قازىر «قازسۋشاردىڭ» جامبىل فيليالى اۋدانىمىزعا تەحنيكا ءبولىپ, ءبىر اپتانىڭ ىشىندە ارىقتاردى تازالاپ بەردى. وسى جۇمىس ءۇشىن سۋ رەسۋرستارى جانە يرريگاتسيا مينيسترلىگى مەن فيليالعا العىس ايتامىن. مەن 11 گەكتار جەرگە جوڭىشقا ەكتىم. سۋ ەش كەدەرگىسىز ۋاقىتىلى كەلىپ تۇر. بۇرىن ارىققا ءشوپ ءوسىپ, قوقىستار جينالىپ, بىتەلىپ قالعان ەدى. سونىڭ سالدارىنان سۋ جان-جاققا اعىپ, ىسىراپ بولاتىن. ەندى كوكتەمنەن بەرى سۋ جاقسى كەلىپ تۇر», دەدى ء«سۇلۋتور» شارۋا قوجالىعىنىڭ باسشىسى نۇرعالىم شاعىرباەۆ.
مينيسترلىك بيىل «قازسۋشار» جامبىل فيليالىنا 75 جاڭا تەحنيكا مەن اۆتوكولىك بەرگەن. ولاردىڭ قاتارىندا ەكسكاۆاتورلار, جۇك تيەگىشتەر, تراكتورلار, سۋ تاسىمالداۋعا ارنالعان كولىكتەر, ساموسۆالدار, اۆتوكراندار, تىركەمەلەر مەن وزگە دە ارنايى جابدىقتار بار.
