اگەنتتىكتىڭ تۇركىستان وبلىسى بويىنشا دەپارتامەنتى جۋىردا الەۋمەتتىك جەلىدە قوعامدىق رەزونانس تۋدىرعان, مەملەكەتتىك قىزمەتشىنىڭ قاتىسۋىمەن بولعان توبەلەس وقيعاسىنا بايلانىستى تيىستى قىزمەتتىك تەكسەرىس جۇرگىزدى.
ناتيجەسىندە, 5 جەلتوقسان كۇنى اگەنتتىكتىڭ تۇركىستان وبلىسى بويىنشا ادەپ جونىندەگى كەڭەسى ءتيىستى شەشىم قابىلدادى. كەڭەس شەشىمىمەن تۇركىستان وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ باسشىسى س.جالىقۇلعا قاتىستى قىزمەتتىك ادەپ نورمالارىن بۇزعانى ءۇشىن «اتقارىپ وتىرعان لاۋازىمىنان بوساتۋ» تۇرىندەگى تارتىپتىك جازا قولدانۋ ۇسىنىلدى.
ادەپ جونىندەگى كەڭەس س.جالىقۇل تاراپىنان ورىن العان تۇرپايى, قوعامعا جات مىنەز-ق ۇلىقتى, سونداي-اق مەملەكەتتىك ورگاننىڭ بەدەلىن تۇسىرەتىن ارەكەت جاساۋ ارقىلى جالپىعا ورتاق مورالدىق-ەتيكالىق نورمالاردى بۇزۋ فاكتىسىن انىقتادى.
