كولىك مينيسترلىگىنىڭ حابارلاۋىنشا, پاريج قالاسىندا قازاقستان-فرانتسيا ىسكەرلىك كەڭەسىنىڭ وتىرىسى جانە ەكونوميكالىق ىنتىماقتاستىق جونىندەگى 16-ۇكىمەتارالىق كوميسسيانىڭ ءماجىلىسى ءوتتى. ءىس-شارالارعا قازاقستان رەسپۋبليكاسى كولىك ۆيتسە-ءمينيسترى تالعات لاستاەۆ قاتىستى.
نەگىزگى وقيعا Airbus A320neo اۋە كەمەلەرىن جەتكىزۋ جونىندەگى مەموراندۋم پاپكالارىمەن الماسۋ ءراسىمى بولدى. قۇجاتتا «العاشقى 25 ۇشاقتى جەتكىزۋ جانە كەيىننەن قوسىمشا سانىن 25 ۇشاققا دەيىن ارتتىرۋ مۇمكىندىگى» قاراستىرىلعان.
كەزدەسۋ بارىسىندا تالعات لاستاەۆ پەن Airbus كومپانياسىنىڭ ۆيتسە-پرەزيدەنتى شاربەل يۋزكاتلي 2031 جىلعا جوسپارلانعان اۋە كەمەلەرىن جەتكىزۋ مەرزىمدەرى جانە ونى جەدەلدەتۋ مۇمكىندىكتەرىن تالقىلادى. سونداي-اق, ۆيتسە-مينيستر Airbus-پەن بىرلەسىپ اۆياتسيالىق وقۋ ورتالىعىن قۇرۋ جانە اۋە كەمەلەرىن ليزينگكە بەرۋ ماسەلەلەرىن كوتەردى.
ۇاك اياسىندا حالىقارالىق سەرىكتەستەرمەن الداعى ىنتىماقتاستىق ماسەلەلەرى دە تالقىلاندى: TAV Airports كومپانياسىمەن — قازاقستان اۋەجايلارى ينفراقۇرىلىمىن جاڭعىرتۋ, Alstom كومپانياسىمەن — ونەركاسىپتىك كووپەراتسيا باعىتىندا.
ەكى ەل اراسىنداعى كولىك بايلانىسىن جاقسارتۋ ءۇشىن پاريج–استانا رەيسىن قايتا اشۋ جانە شىمكەنت–نيتستسا باعىتى بويىنشا اۋە قاتىناسىن ىسكە قوسۋ ماسەلەلەرى قاراستىرىلدى.
