پاۆلودار اليۋميني زاۋىتىنىڭ (پاز) ديرەكتورى ايتۋعان احمەتوۆتىڭ ايتۋىنشا كاسىپورىندا قاۋىپسىزدىككە ايرىقشا ءمان بەرىلەدى.
«رەسپۋبليكالىق بايقاۋداعى بۇل ماراپات – زاۋىت قىزمەتكەرلەرىنىڭ ورتاق جەڭىسى. بارلىق تالاپتارعا ساي بولۋ ءۇشىن بىرلەسىپ, اۋقىمدى جۇمىس جۇرگىزدىك. ونىڭ باستى ناتيجەسى – وندىرىستەگى جاراقاتتانۋ دەڭگەيىنىڭ ايتارلىقتاي تومەندەۋى», دەپ اتاپ ءوتتى ا.احمەتوۆ.
جاعدايدى جاقسارتۋدا پاۆلودار اليۋميني زاۋىتىندا قۇرىلعان قاۋىپسىز ەڭبەك داعدىلارى تاجىريبەلىك ورتالىعى ماڭىزدى ءرول اتقاردى. مۇندا قىزمەتكەرلەرگە تايعاق جەردە ءجۇرۋدى ۇيرەتەتىن ترەناجەر, ءورت قاۋىپسىزدىگىنە قاتىستى جاتتىعۋ قۇرىلعىلارى, كابيناعا كوتەرىلۋ مەن ءتۇسۋ بويىنشا سيمۋلياتورلار ارقىلى وقىتۋ جۇرگىزىلەدى.
«ال كەشەندى پوليگونداردا بيىكتىكتە جانە تۇيىق كەڭىستىكتە جۇمىس ىستەۋ ماشىقتارى ۇيرەتىلەدى. بۇل پوليگوننىڭ ەل كولەمىندە بالاماسى جوق, ءبىزدىڭ جەكە ازىرلەمەمىز. ءارى ول ونەرتابىس رەتىندە پاتەنتتەلگەن», دەدى «قازاقستان ءاليۋمينيى» اق پاۆلودار اليۋميني زاۋىتىنىڭ ەڭبەكتى قورعاۋ جانە ونەركاسىپ قاۋىپسىزدىگى جونىندەگى باسشىسى الەكسەي چابانوۆ.
پاز-دا قىزمەتكەرلەردى جەكە قورعانىس قۇرالدارىمەن جانە ارنايى كيىممەن قامتاماسىز ەتۋ نورمالارى زاڭنامالىق تالاپتاردان الدەقايدا جوعارى. بۇل دا جۇمىسشىلار ءۇشىن جايلى ءارى قاۋىپسىز ەڭبەك جاعدايىن قامتاماسىز ەتەدى. تاماق پەن ءسۇت بەرىلىپ, ودان بولەك, قىزمەتكەرلەر سپورت زال, باسسەين, شيپاجاي مەن دەمالىس ورىندارىنىڭ قىزمەتتەرىن تەگىن نەمەسە جەڭىلدىكپەن پايدالانا الادى. ال كاسىپتىك اۋرۋلار بويىنشا جاعدايلار زاۋىتتا سوڭعى 7 جىلدان بەرى تىركەلگەن جوق.
ERG قۇرامىنداعى «قازحروم» تۇك» اق فيليالى – ءدوڭ تاۋ-كەن بايىتۋ كومبيناتى «كادر دايارلاۋعا قاتىسۋشى ۇزدىك كاسىپورىن» اتالىمىندا گران-پري يەگەرى اتاندى. ال ەلدەگى ۇزدىك وقۋ ورنى رەتىندە كومبيناتتىڭ ۇزاق جىلدان بەرگى سەرىكتەسى – حرومتاۋ تاۋ-كەن تەحنيكالىق جوعارى كوللەدجى تانىلدى.
ءدوڭ تاۋ-كەن بايىتۋ كومبيناتى مەن حرومتاۋ تاۋ-كەن تەحنيكالىق جوعارى كوللەدجى اراسىنداعى ىنتىماقتاستىق بىرنەشە ونجىلدىقتان بەرى جەمىستى جالعاسىپ كەلەدى. كوللەدج جىل سايىن وندىرىستە سۇرانىسقا يە ماماندىقتار بويىنشا جاس كادرلاردى دايارلايدى. بۇگىندە تۇلەكتەردىڭ شامامەن 90 پايىزى قالا قۇراۋشى كاسىپورىنعا جۇمىسقا تۇرعان. كوللەدج ستۋدەنتتەرى كومبيناتتىڭ تسەحتارىندا اقىلى وندىرىستىك تاجىريبەدەن وتەدى. بۇل – جاس ماماندارعا ۇلكەن سەرپىن بەرەدى, ويتكەنى ولار ەڭبەك نارىعىنا ناقتى وندىرىستىك تاجىريبەمەن شىعادى.
«بۇل ماراپاتتار جۇمىسشى ماماندىقتار جىلى جانە «قازحروم» كومپانياسىنىڭ 30 جىلدىق مەرەيتويىنىڭ لايىقتى قورىتىندىسى. كوللەدجدىڭ مىقتى ءبىلىم بەرۋ بازاسىنىڭ ارقاسىندا ستۋدەنتتەر حالىقارالىق كاسىبي شەبەرلىك بايقاۋلارىندا جوعارى كورسەتكىشتەرگە قول جەتكىزىپ ءجۇر. ال تۇلەكتەر قىسقا ۋاقىت ىشىندە ءوز ءىسىنىڭ بىلىكتى مامانىنا اينالىپ, كوپشىلىگى بۇگىندە كاسىپورنىمىزدا جاۋاپتى قىزمەتتەر اتقارۋدا», دەيدى ءدوڭ تاۋ-كەن بايىتۋ كومبيناتىنىڭ ديرەكتورى باۋىرجان ۋتەميسوۆ.
كادر دايارلاۋدىڭ ساپاسىنا كوللەدجدىڭ ماتەريالدىق-تەحنيكالىق بازاسىنىڭ نىعايۋى دا تىكەلەي اسەر ەتتى. ERG-ءدىڭ جۇيەلى قولداۋىنىڭ ارقاسىندا كوللەدج جاڭا كومپيۋتەرلەرمەن, باعدارلامالىق قامداۋ, وندىرىستىك وقىتۋعا ارنالعان جابدىقتارمەن تولىقتىرىلدى. شەبەرحانالارعا دانەكەرلەۋ ۇستەلدەرى ورناتىلىپ, سپورت زالى جوندەۋدەن ءوتتى. ستۋدەنتتەردىڭ وندىرىستىك داعدىلارىن جەتىلدىرۋگە ارنالعان وقۋ-شاحتالىق پوليگون سالىندى. سونىمەن قاتار ءتۇرلى تاۋ-كەن جابدىقتارىنىڭ جۇمىسىن بەينەلەيتىن زاماناۋي جاتتىعۋ-سيمۋلياتورلارى پايدالانىلۋدا.
2025 جىلى كوللەدجدە تاۋ-كەن سالاسىنا ماماندار دايارلاۋ ءتاسىلىن تۇبەگەيلى جاڭارتقان زاماناۋي قۇزىرەتتىلىك ورتالىعى اشىلدى.
ورتالىق ەكى نەگىزگى بلوكتان تۇرادى: VR-زەرتحانا جانە تاۋ-كەن ماشينالارى مەن كەشەندەرى زەرتحاناسى. زاماناۋي تەحنولوگيالار ستۋدەنتتەردىڭ كاسىبي داعدىلارىن ۆيرتۋالدى ورتادا, ناقتى وندىرىستىك جاعدايلارعا بارىنشا جاقىن فورماتتا جەتىلدىرۋگە مۇمكىندىك بەرەدى. كەڭ اۋقىمدى وقۋ باعدارلامالارى بار VR-جابدىقتار ستۋدەنتتەرگە اۋديتوريادان شىقپاي-اق ءتۇرلى وندىرىستىك پروتسەستەردى جاقىننان تانىپ-بىلۋگە جول اشادى. مۇندا ستۋدەنتتەر سەگىز ماماندىق بويىنشا ءبىلىم الادى. ولاردىڭ قاتارىندا كەن ورىندارىن جەراستى ادىسىمەن يگەرۋ, جەر استى قۇرىلىمدارىنىڭ قۇرىلىسى جانە ەنەرگەتيكا باعىتى بويىنشا ماماندىقتار بار. ورتالىقتى قۇرۋعا «قازحروم» كومپانياسى 115 ميلليون تەڭگە بولگەن.
ال 2025 جىلى كوللەدجدى دامىتۋعا سالىنعان ينۆەستيتسيا كولەمى 200 ميلليون تەڭگەدەن استى.
