فوتو: It-home
It-home حابارلاۋىنشا, تەحنيكالىق ءۇردىس پەن اۆتووندىرۋشىلەردىڭ كولىك قۇرىلىمىنان ەسكىرگەن بولشەكتەردى الىپ تاستاۋعا ۇمتىلۋىنىڭ ناتيجەسىندە جاڭا قاۋىپسىزدىك ستاندارتى قابىلداندى. 2026 جىلدىڭ 1 شىلدەسىنەن باستاپ كۇشىنە ەنەتىن بۇل قۇجات مەحانيكالىق ءرول مەحانيزمىن مىندەتتەۋ تالابىن الىپ تاستايدى. وسىلايشا اۆتوموبيلدەردە تولىق ەلەكترلى ءرول تەحنولوگياسىن كەڭىنەن قولدانۋعا رەسمي تۇردە مۇمكىندىك بەرىلەدى.
جاڭا ەرەجەدە ەلەكتروندىق جانە ەلەكترلى باسقارۋ جۇيەلەرى – SBW (Steer-by-Wire) جانە EPS (Electric Power Steering) ء– ۇشىن قاۋىپسىزدىك پەن فۋنكتسيونالدى تالاپتاردىڭ تولىق پاكەتى ۇسىنىلعان. ستاندارتتى ازىرلەۋگە قىتايدىڭ جەتەكشى كومپانيالارى Nio, BAIC, Xpeng, BYD, Geely, Xiaomi, Huawei, سونداي-اق Toyota جانە Mercedes-Benz China ينجەنەرلىك ورتالىقتارىنىڭ ماماندارى قاتىسقان.
قىتاي نارىعىندا پرەميۋم سەگمەنتتەگى كەيبىر مودەلدەر بۇرىننان تولىق ەلەكترلى رولمەن جابدىقتالعان. ەندى مۇنداي تەحنولوگيا بارلىق باعالىق سەگمەنتتەگى اۆتوموبيلدەرگە ەنگىزىلەدى. بۇل وزگەرىس تەحنيكالىق قىزمەت كورسەتۋ سالاسىنا دا اسەر ەتەدى.
