«قازىر الەمدە بولىپ جاتقان ۇدەرىستەردى ءبارىڭىز دە كورىپ-ءبىلىپ وتىرسىزدار. گەوەكونوميكالىق احۋال وتە قۇبىلمالى ءارى ب ۇلىڭعىر. وسىنداي كەزەڭدە بيزنەس وكىلدەرىنىڭ جاسامپازدىق, وتانشىلدىق قاسيەتتەرى ايقىن كورىنەدى. مۇنداي ۋاقىتتا كاسىپكەرلەرىمىزدىڭ تاباندى ەڭبەگى جانە ەل بولاشاعىنا دەگەن زور سەنىمى اسا ماڭىزدى ەكەنى انىق. تۇپتەپ كەلگەندە, ساپالى ءونىم شىعارىپ, ساپالى قىزمەت كورسەتۋ – باسەكەگە قابىلەتتى بولۋ جانە ەڭ باستىسى, ەلىمىزدىڭ وركەندەۋىنە ناقتى ىسپەن ۇلەس قوسۋ دەگەن ءسوز», دەيدى مەملەكەت باسشىسى.
ەل پرەزيدەنتى كاسىپكەرلەرگە, ۇلتتىق بۋرجۋازياعا, سونىڭ ىشىندە, ەڭ الدىمەن, بيزنەس قوعامداستىقتىڭ وكىلدەرىنە شىنايى قۇرمەتپەن قارايتىنىن ايتتى.
«سىزدەردىڭ قابىلەتتەرىڭىزگە, ىسكەرلىك جانە ادامگەرشىلىك قاسيەتتەرىڭىزگە سەنەمىن. سىزدەر مەملەكەتىمىزدىڭ يگىلىگى, ەكونوميكالىق الەۋەتى ءۇشىن تاباندى ەڭبەك ەتىپ كەلە جاتقان قازاقستاننىڭ ناعىز پاتريوتىسىزدار. سىزدەر جەتىستىككە جەتۋدەن شابىت الاتىن, وزگەلەرگە ۇلگى بولاتىن ازاماتسىزدار. ءار قادامدارىڭىز ءساتتى بولاتىنىنا سەنىمدىمىن», دەدى قاسىم-جومارت توقاەۆ.
