بۇل تۋرالى حابار جاساق قىزمەتكەرلەرىنە جولدان ءوتىپ بارا جاتقان ازاماتتان تۇسكەن. وقيعا ورنىنا جەدەل جەتكەن پوليتسەيلەر قولىندا پىشاعى بار, ەموتسيالىق كۇيزەلىستە تۇرعان ازاماتتى انىقتادى. ەر ادام نە سەبەپتى مۇنداي ارەكەتكە بارعانىن تۇسىندىرە الماعان.
پوليتسيا قىزمەتكەرلەرى جاعدايدى جەدەل باقىلاۋعا الىپ, ەر ادامنىڭ وزىنە زيان كەلتىرۋىنە جول بەرمەي, اينالاداعى ازاماتتاردىڭ قاۋىپسىزدىگىن قامتاماسىز ەتتى. كەيىن ول مەديتسينالىق جانە پسيحولوگيالىق كومەك كورسەتۋ ءۇشىن دارىگەرلەرگە تاپسىرىلدى.
ء«بىزدىڭ قىزمەتكەرلەر وتە جىلدام ءارى ساق ارەكەت ەتتى. ەڭ باستىسى, ادام ءومىرىن ساقتاپ قالۋ بولدى. ازاماتتىڭ قىراعىلىعى مەن جقاج جاۋىنگەرلەرىنىڭ جەدەل جۇمىسىنىڭ ارقاسىندا قايعىلى جاعدايدىڭ الدىن الدىق», دەدى الماتى قالاسى پد جقاج كومانديرى ازامات يسەرگۋجين.
الماتى قالاسى پوليتسيا دەپارتامەنتى بەيجاي قاراماي, ۋاقىتىلى حابار بەرگەن تۇرعىندارعا العىس بىلدىرەدى جانە ازاماتتاردى ءومىر مەن دەنساۋلىققا قاۋىپ توندىرەتىن كەز كەلگەن جايت تۋرالى دەرەۋ «102» نومىرىنە حابارلاۋعا شاقىرادى.
