اتالعان ءىس-شارا بارىسىندا پوليتسەيلەر ورمان ىشىندەگى شاعىن كولدىڭ ماڭىندا ءىرى اڭنىڭ دەنەسىن سۇيرەپ بارا جاتقان ەر ادامدى بايقايدى.
تەكسەرۋ بارىسىندا ونىڭ قاباندى وزىنە تىركەلگەن مىلتىقپەن اتىپ العانى انىقتالدى. اڭشى تەك قويان اۋلاماق بولعانىن, بىراق ءساتى ءتۇسىپ الدىنان قابان كەزدەسكەنىن, مۇنداي ۇلكەن ولجادان ايىرىلىپ قالعىسى كەلمەگەنىن ايتقان. الايدا پوليتسيا اڭشىنىڭ بۇل ارەكەتىن قىلمىس دەپ باعالاپ وتىر. ويتكەنى ونىڭ قابان اۋلاۋعا رۇقسات ەتەتىن ارنايى ليتسەنزياسى بولماعان.
«قىركۇيەكتەن جەلتوقسانعا دەيىن وڭىردە قابان اتۋعا رۇقسات بەرىلگەنى راس. بىراق اڭشىنىڭ ارنايى رۇقسات قۇجاتتارى بولۋى مىندەتتى. ونداي رۇقساتسىز اتىلعان ءاربىر وق قىلمىس بولىپ سانالادى. ەندى ەر ادام زاڭسىز اڭ اۋلاۋ بابى بويىنشا زاڭ الدىندا جاۋاپ بەرەدى», دەيدى وبلىستىق پد-نىڭ ءباسپاسوز ورتالىعى.
قوستاناي وبلىسى
