فوتو: egemen.kz/ەرلان ومار
قازىر قالادا جۇمىس ىستەپ تۇرعان شارۋاشىلىق-اۋىز سۋ تازارتۋ كەشەنى 1966 جىلى پايدالانۋعا بەرىلگەن. ۇكىمەت اتالعان نىساننىڭ 90%-ى توزعانىن مالىمدەدى.
بۇگىندە وندا ۇزىندىعى 4 شاقىرىم ينجەنەرلىك جەلىلەر (كارىز, جىلۋمەن جابدىقتاۋ, جارىقتاندىرۋ) تارتىلىپ, ترانسفورماتورلىق قوسالقى ستانسالار مەن تاراتۋ قۇرىلعىلارى سالىنعان. اۋىز سۋعا ارنالعان 4 رەزەرۆۋار رەكونسترۋكتسيالانىپ, پايدالانۋعا بەرىلگەن.
ۇكىمەت رەزەرۆىنەن بولىنگەن قاراجات نىساننىڭ قۇرىلىس-مونتاج جۇمىستارىن اياقتاپ, بەلگىلەنگەن مەرزىمدە تولىق پايدالانۋعا بەرۋ باعىتىندا جۇمسالادى.
2024 جىلدىڭ قورىتىندىسى بويىنشا ەلىمىزدە ساپالى اۋىز سۋعا قولجەتىمدىلىك قالالاردا – 99,4%, اۋىلدىق ەلدى مەكەندەردە – 98% كورسەتكىشكە جەتكەن.
100% كورسەتكىشكە قول جەتكىزۋ ءۇشىن 2025 جىلى ۇكىمەت رەسپۋبليكالىق بيۋدجەت ەسەبىنەن 257 جوبانى جۇزەگە اسىرۋعا 105,7 ملرد تەڭگە قاراستىرعان. بۇدان بولەك, ارناۋلى مەملەكەتتىك قوردىڭ قاراجاتى ەسەبىنەن 229 جوبانى جۇزەگە اسىرۋعا قوسىمشا 135,8 ملرد تەڭگە بولىنگەن.
