فوتو: اشىق دەرەككوز
«سوت-مەديتسينالىق ساراپتاما جۇرگىزىلدى. بۇل پرەپارات پەدياتريالىق تاجىريبەدە ۇزاق جىلدان بەرى پايدالانىلادى. بۇگىنگە دەيىن مەديتسينالىق ۇيىمداردان ونىڭ جاناما اسەرىنە قاتىستى رەسمي شاعىمدار تۇسكەن جوق. قازاقستاندا تەك تۇپنۇسقا ونىمدەر عانا قولدانىلادى», دەدى ءالنازاروۆا ءماجىلىس كۋلۋارىندا.
مينيستر تەرگەۋ تولىق اياقتالعاننان كەيىن عانا ناقتى شەشىم قابىلداناتىنىن اتاپ ءوتتى. سونىمەن قاتار ەلدەگى ستوماتولوگيالىق ۇيىمدارعا تەكسەرۋ جۇرگىزىلىپ جاتقانى بەلگىلى بولدى.
جىل باسىنان بەرى ازاماتتار شاعىمى نەگىزىندە 160 كلينيكا تەكسەرىلگەن. باس پروكۋراتۋرانىڭ تاپسىرماسىمەن وڭىرلەردەگى فارماتسەۆتيكالىق باقىلاۋ دەپارتامەنتتەرى 620 ستوماتولوگيالىق ۇيىمدى جوسپارلى تەكسەرۋگە كىرىستى.
ەستەرىڭىزگە سالا كەتەيىك, وتكەن جىلدىڭ كۇزىندە استاناداعى جەكە ستوماتولوگيادا 18 ءتىسى بىردەن ەمدەلگەن ءۇش جاسار قىز ناركوزدان كەيىن ويانباي كوز جۇمعان ەدى. قازىر بۇل ىسكە قاتىستى سوت پروتسەسى جالعاسىپ جاتىر. انەستەزيولوگ دارىگەرگە ءتورت جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن. بالانىڭ اتا-اناسى دارىگەردى جانە كلينيكا باسشىلىعىن دا جاۋاپقا تارتۋدى تالاپ ەتىپ وتىر.
