«تالاپتارعا سايكەس تاپسىرىس بەرۋشىلەر 30 كۇن ىشىندە جەتكىزۋشىنى مەملەكەتتىك ساتىپ الۋدىڭ ادال ەمەس قاتىسۋشىسى دەپ تانۋ تۋرالى تالاپ ارىزبەن سوتقا جۇگىنۋگە مىندەتتى. الايدا, تالداۋ كورسەتكەندەي, مەملەكەتتىك مەكەمەلەر مەن كاسىپورىندار بۇل مەرزىمدەردى بىرنەشە رەت ەلەمەگەن. مۇنداي ارەكەتسىزدىك ادال ەمەس جەتكىزۋشىلەردىڭ جاۋاپكەرشىلىكتەن جالتارۋىنا مۇمكىندىك بەرەدى. ءتىپتى ولار شارت تالاپتارىن ورىنداماسا دا جازادان قۇتىلادى. زاڭدا مۇنداي زاڭبۇزۋشىلىقتار ءۇشىن لاۋازىمدى تۇلعالاردىڭ اكىمشىلىك جاۋاپتىلىعى تىكەلەي كوزدەلگەن», دەلىنگەن وڭىرلىك پروكۋراتۋرانىڭ حابارلاماسىندا.
مىسالى, سوت «KAZ SERVICE PVL» جشس-نە قاتىستى «اقسۋ قالاسىنىڭ مەكتەپ-ليتسەيى» كمم-ءنىڭ تالاپ ارىزىن زاڭدا بەلگىلەنگەن مەرزىمدى وتكىزىپ الۋىنا بايلانىستى قاناعاتتاندىرۋدان باس تارتقان. ياعني, مەكەمە سەرىكتەستىك تاراپىنان مىندەتتەمەلەردىڭ بۇزىلعانىن 2024 جىلعى تامىز ايىندا بىلگەن. الايدا تالاپ تەك بەس اي وتكەن سوڭ بەرىلگەن.
پروكۋراتۋرانىڭ ەنگىزگەن ۇسىنىسى نەگىزىندە ىشكى مەملەكەتتىك اۋديت دەپارتامەنتى مەكتەپ ديرەكتورىن اكىمشىلىك جاۋاپكەرشىلىككە تارتىپ, ايىپپۇل سالدى.
وسىنداي قۇقىقبۇزۋشىلىققا جول بەرگەن 19 لاۋازىمدى تۇلعا جاۋاپكەرشىلىككە تارتىلعان.
پاۆلودار وبلىسى
