مينيسترلىكتىڭ مالىمەتىنشە, نۇرىمباي سۇلەيمەن ۇلى تابيعي تالانتىمەن حالقىنىڭ ەرەكشە قۇرمەتىنە يە بولعان, تۋعان ولكەسىنىڭ رۋحاني ءداستۇرىن جالعاپ, ۇلتتىق ونەردىڭ دامۋىنا زور ۇلەس قوسقان دارا تۇلعا ەدى.
«ونەر مايتالمانىنىڭ شىعارماشىلىق مۇراسى اسا باي. كۇيشى «قايران اكە», «قارت تولعاۋى», «دالا سىرى», «اتامەكەن», «ىلەم مەنىڭ» سياقتى ەل اراسىنا كەڭ تاراعان تۋىندىلاردى, بارلىعى 60-تان استام كۇي مەن 20-عا جۋىق ءاندى دۇنيەگە اكەلدى. ونىڭ ءار شىعارماسى قازاقتىڭ كەڭ دالاسىنىڭ ءۇنىن, ۇلتتىق بولمىستىڭ تەرەڭ يىرىمدەرىن جەتكىزەتىن قۇندى مۇرا بولىپ سانالادى», دەلىنگەن جازبادا.
ۆەدومستۆو وكىلدەرى نۇرىمباي سۇلەيمەن ۇلىنىڭ جارقىن بەينەسى مەن مول مۇراسى حالىق جادىندا ماڭگى ساقتالاتىنىن اتاپ ءوتتى.
