اكىمنىڭ ايتۋىنشا, مۇنداي وسىمگە جوعارى تەحنولوگيالىق وندىرىستەردى ىسكە قوسۋ ارقىلى قول جەتىپ وتىر. مىسالى, بيىل قوستانايدا ىسكە قوسىلعان «KIA» زاۋىتى 68 ونەركاسىپتىك روبوتپەن جابدىقتالعان. اتالعان كاسىپورىندا وندىرىستىك جەلىلەردىڭ 60%-ى اۆتوماتتاندىرىلعان. ال «KamLitKZ» كاسىپورىندارىندا ءوندىرىس تيىمدىلىگىن 15%-عا ارتتىراتىن جي جانە ماشينالىق كوز جۇيەلەرى ەنگىزىلگەن.
«زاماناۋي وندىرىستەر جاڭا فورماتتاعى مامانداردى تالاپ ەتەدى. وسىعان بايلانىستى ءوڭىردىڭ جوو-دا الەمنىڭ جەتەكشى ۋنيۆەرسيتەتتەرىمەن قوس ديپلومدى ءبىلىم بەرۋ باعدارلامالارى اشىلدى. «اقپاراتتىق تەحنولوگيالار» ماماندىعىنا باسىمدىق بەرىلىپ وتىر, سوعان سايكەس جاساندى ينتەللەكت كافەدراسى اشىلدى», دەيدى وبلىس اكىمى.
جالپى, بيىلعى 10 ايدىڭ ىشىندە ءوڭىردىڭ وڭدەۋ ونەركاسىبىندەگى ءوندىرىس كولەمى 2 ترلن تەڭگەنى قۇراپ وتىر. ونىڭ ىشىندە ماشينا جاساۋ سالاسىنداعى ءوسىم 22,6%-عا جەتتى.
