فوتو: t.me/baspasozpvl
ايتا كەتەيىك, ءبىر اي بۇرىن ەكىباستۇزدا پاترۋلدىك پوليتسيا «Hyundai Tucson» ماركالى اۆتوكولىكتى توقتاتقان. كولىك تىزگىندەگەن ايەلدەن الكوگول ءيىسى شىققان. جۇرگىزۋشىنى ناركولوگيالىق ديسپانسەرگە جەتكىزىپ, تەكسەرۋ ناتيجەسىندە جۇرگىزۋشىنىڭ جەڭىل دارەجەدە ماس كۇيدە بولعانى انىقتالعان. پوليتسيا قىزمەتكەرلەرى اقبتك-ءنىڭ 608-بابىنىڭ 1-بولىگى بويىنشا حاتتاما تولتىرعان.
سوتتا 53 جاستاعى ايەل ەشقايدا جۇرمەگەنىن, تەك توڭعاندىقتان كولىككە وتىرىپ, جىلىنباق بولعانىن ايتقان. الايدا پاترۋلدىك پوليتسەيلەر كولىكتى قوزعالىس ۇستىندە توقتاتقانىن مالىمدەدى. سوت پوليتسەيلەردىڭ حاتتامانى نەگىزدى تۇردە تولتىرعانىن انىقتاپ, ايەلدى 7 جىل مەرزىمگە جۇرگىزۋشى كۋالىگىنەن ايىرۋ جانە 15 تاۋلىككە قاماۋ جازاسىن تاعايىنداۋ تۋرالى شەشىم شىعاردى.
پاۆلودار وبلىسىنىڭ اكىمى اساين بايحانوۆ بۇل وقيعاعا قاتىستى ءوز پىكىرىن ءبىلدىردى.
«مەنىڭ ۇلكەن اپكەمنىڭ اكىمشىلىك جاۋاپكەرشىلىككە تارتىلۋىنا قاتىستى مىنانى ايتا الامىن: بارلىق ازاماتتار زاڭ الدىندا تەڭ. مەنىڭ اپكەم دە, وتباسىمىزدىڭ باسقا مۇشەلەرى سياقتى, بۇل قاعيداتتان تىس ەمەس», دەپ جازدى ول threads الەۋمەتتىك جەلىسىندە.
