فوتو: اقوردا
پرەزيدەنتكە جەتىسۋ وبلىسىنداعى 84 ەلدى مەكەنگە كوگىلدىر وتىن جەتكىزەتىن تالدىقورعان – ءۇشارال ماگيسترالدى گاز قۇبىرىنىڭ, اقتاۋداعى كونتەينەر حابى مەن الماتىداعى Zhetysu لوگيستيكالىق تەرمينالىنىڭ, سونداي-اق Sany Re كومپانياسىمەن بىرلەسە جەل گەنەراتورلارىنا ارنالعان قوندىرعىلار شىعاراتىن زاۋىتتىڭ ىسكە قوسىلعانى جونىندە مالىمەت بەرىلدى.
نۇرلان جاقىپوۆ بەرگەن مالىمەتكە سايكەس, بيىل 10 ايدىڭ ىشىندە «سامۇرىق-ەنەرگو» اق ساعاتىنا 31 ميلليارد كۆت ەلەكتر ەنەرگياسىن ءوندىردى. بۇل قازاقستانداعى جالپى ءوندىرىستىڭ 31 پايىزىن قۇرايدى. «سامۇرىق-ەنەرگو» اق قۇرامىنا كىرەتىن ەلەكتر ستانسالارىنىڭ قۋاتى 7845 مۆت-قا جەتتى.
2023-2025 جىلدار ارالىعىندا الەۋمەتتىك جوبالاردى قولداۋعا جانە قايىرىمدىلىق شارالارىنا 1,5 تريلليون تەڭگە بولىنگەن. بۇل قارجى مەديتسينالىق نىساندارعا, سونداي-اق 55 وڭالتۋ ورتالىعىنىڭ, 31 ينكليۋزيا كابينەتىنىڭ, 18 سپورت كەشەنىنىڭ, مادەني جانە ءبىلىم بەرۋ مەكەمەلەرىنىڭ قۇرىلىسىنا جۇمسالدى. «تازا قازاقستان» باستاماسى اياسىندا 5,8 ميلليون ءتۇپ تال ەگىلدى.
قاسىم-جومارت توقاەۆقا «سامۇرىق-قازىنا» اكتسيونەرلىك قوعامىنىڭ وتاندىق بيزنەستى وركەندەتۋگە قاتىستى باستامالارى تۋرالى باياندالدى.
مەملەكەت باسشىسى قور جۇمىسىنىڭ تيىمدىلىگىن ارتتىرۋ, ينۆەستيتسيالىق جوبالاردى ساپالى ىسكە اسىرۋ جانە ۇلتتىق اكتيۆتەردىڭ ۇزاق مەرزىمدى ورنىقتى دامۋىن قامتاماسىز ەتۋ بويىنشا بىرقاتار تاپسىرما بەردى.
