فوتو: primeminister.kz
بۇگىندە اتالعان جۇيە نەگىزىندە مىس, اليۋميني جانە مىرىش وندىرۋشىلەر جۇمىس ىستەپ جاتىر.
«جەڭىلدىك مولشەرى وڭدەۋ تەرەڭدىگىنە بايلانىستى دايىن ءونىم ءۇشىن – 5%, ارالىق ءونىم ءۇشىن – 1% جەڭىلدىك قولدانىلادى. تەتىك ەنگىزىلگەن ساتتەن باستاپ 30 كەلىسىم جاسالدى. جۇرگىزىلگەن جۇمىستاردىڭ وڭ اسەرى قازىردىڭ وزىندە بايقالادى. مىس وڭدەۋ جىل سوڭىنا دەيىن – 40%-عا, اليۋميني – 20%-عا, مىرىش وڭدەۋ – 25%-عا ارتادى. قازىر وسى تەتىكپەن جۇمىس ىستەيتىن شيكىزات ءتىزىمىن كەڭەيتۋ مۇمكىندىگىن قاراستىرىپ جاتىرمىز», دەدى ەرسايىن ناعاسپاەۆ.سونداي-اق ەلىمىزدە يندۋستريالىق الاڭداردى باسقارۋدىڭ جاڭا جۇيەسىن ەنگىزۋ جوسپارلانىپ وتىر.
ونەركاسىپ جانە قۇرىلىس مينيسترلىگىنىڭ مالىمەتىنشە, 10,4 ترلن تەڭگە ينۆەستيتسيا تارتىلعان 16 ارنايى ەكونوميكالىق ايماق, ينۆەستيتسيا كولەمى 1,6 ترلن تەڭگەنى قۇرايتىن 305 جوبا جۇزەگە اسىرىلىپ جاتقان 66 يندۋستريالىق ايماق جۇمىس ىستەيدى.
«شاعىن جانە ورتا بيزنەستى قولداۋ ءۇشىن شاعىن ونەركاسىپتىك ايماقتاردى قۇرۋ باعدارلاماسى جۇزەگە اسىرىلۋدا. بۇگىنگى تاڭدا 25 مۇناي وڭدەۋ زاۋىتى قۇرىلدى, وندا 44 كاسىپورىن جۇمىس ىستەپ تۇر. الداعى ۋاقىتتا يندۋستريالىق الاڭداردى باسقارۋدىڭ جاڭا تەتىكتەرىن پىسىقتاۋ جانە ءتۇرلى كوزدەر ەسەبىنەن ينفراقۇرىلىمدى قارجىلاندىرۋدى قامتاماسىز ەتۋ جوسپارلانىپ وتىر», دەدى ەرسايىن ناعاسپاەۆ.وتاندىق ءوندىرىس الەۋەتىن ەسەلەۋ ماقساتىندا وندىرۋشىلەرمەن مەملەكەتتىك ساتىپ الۋداعى كەلىسىمشارتتار سوماسى 1,5 ەسەگە ۇلعايتىلعان. ەرسايىن ناعاسپاەۆ ۇكىمەت وتىرىسىندا ونەركاسىپ الاڭدارىن دامىتۋ بويىنشا جۇرگىزىلىپ جاتقان جۇمىستاردى دا اتاپ ءوتتى.
ماسەلەن, مەملەكەتتىك ساتىپ الۋ كەزىندە الۋعا بولاتىن وتاندىق ءوندىرىس تاۋارلارىنىڭ تىزبەسى 4,8 مىڭ پوزيتسيادان كوبەيگەن.
وسى باعىتتاعى جۇمىستاردىڭ ناتيجەسىندە وتاندىق وندىرۋشىلەرمەن جاسالعان كەلىسىمشارتتاردىڭ جالپى سوماسى وتكەن جىلمەن سالىستىرعاندا 1,5 ەسە ارتقان.
«سامۇرىق-قازىنا» قورىنىڭ ساتىپ الۋلارىندا ۇزاق مەرزىمدى شارتتار مەن وففتەيك-كەلىسىمشارتتار جاساسۋ تالاپتارى كۇشەيتىلگەن. ناتيجەسىندە, 10 ايدا قور كومپانيالارى 1,3 ترلن تەڭگەگە شارتتار مەن وفتەيك-كەلىسىمشارتتارعا قول قويعان. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 2,3 ەسە كوپ.
«وسى جىلدىڭ 1 شىلدەسىنەن باستاپ تاۋار بيرجالارى ارقىلى ستاندارتقا ەنگىزىلمەگەن تاۋارلاردى ساتىپ الۋ جۇيەسى الىنىپ تاستالدى. وسىعان بايلانىستى جەر قويناۋىن پايدالانۋشىلاردىڭ ساتىپ الۋ الاڭى – Tizilim جاڭعىرتىلدى. قابىلدانعان شارالاردىڭ ناتيجەسىندە 10 ايدا جەر قويناۋىن پايدالانۋشىلار 1 ترلن تەڭگە سوماسىنا شارتتار مەن وففتەيك-كەلىسىمشارتتار جاساستى. بۇل وتكەن جىلدىڭ كورسەتكىشىنەن 7,7 ەسە ارتىق», دەدى ەرسايىن ناعاسپاەۆ.
