جيىن قازاقستان مەن ەۋروپالىق وداق اراسىنداعى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمگە قول قويىلۋىنىڭ ون جىلدىعىنا وراي وتكىزىلۋىمەن ەرەكشە ايشىقتالدى. كەزدەسۋدە استانا مەن بريۋسسەلدىڭ ستراتەگيالىق ارىپتەستىگى سوڭعى ونجىلدىقتا بەرىك قالىپتاسىپ, كوپتەگەن باعىتتاردا ناقتى ناتيجەلەر بەرگەنى اتاپ ءوتىلدى.
تاراپتار ەكونوميكالىق بايلانىستاردىڭ سەرىكتەستىكتىڭ نەگىزگى تىرەگى ەكەنىن راستادى.
«ەۋروپالىق وداق قازاقستاننىڭ ەڭ ءىرى ساۋدا جانە ينۆەستيتسيالىق سەرىكتەسى مارتەبەسىن ساقتاپ وتىر. 2024 جىلى ءوزارا تاۋار اينالىمى 50 ملرد اقش دوللارىنا جاقىندادى, ال ەۋروپالىق ينۆەستيتسيالاردىڭ جالپى اعىنى 200 ملرد اقش دوللارىنا جەتتى. ەلدە ەۋروپالىق قاتىسۋى بار 4 مىڭنان استام كومپانيا جۇمىس ىستەيدى. قازاق تاراپى ساۋدانى ودان ءارى ارتاراپتاندىرۋعا دايىن ەكەنىن ءبىلدىرىپ, وتاندىق اۋىل شارۋاشىلىعى ونىمدەرىنىڭ ەو نارىعىنا قول جەتكىزۋىن كەڭەيتۋدىڭ ماڭىزدىلىعىن اتاپ ءوتتى», دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
كەلىسسوزدەردە ترانسكاسپي حالىقارالىق كولىك باعىتىن («ورتا ءدالىز») دامىتۋ ماسەلەسى كەڭىنەن تالقىلاندى. عالامدىق جەتكىزۋ تىزبەكتەرىنىڭ ترانسفورماتسياسىن ەسكەرە وتىرىپ, تاراپتار بۇل باعىتتىڭ ەۋروپا مەن ازيا اراسىنداعى سەنىمدى ءارى تۇراقتى كولىك ءدالىزى رەتىندەگى ستراتەگيالىق ماڭىزىن راستادى.
قازاقستان بۇل كوريدوردى ودان ءارى دامىتۋ ءۇشىن ەو جانە وڭىرلىك سەرىكتەستەرمەن ىنتىماقتاستىقتى تەرەڭدەتۋگە دايىن ەكەنىن جەتكىزدى.
سونىمەن قاتار «جاسىل» جانە تسيفرلىق ترانسفورماتسيا سالاسىنداعى ىنتىماقتاستىق جەكە تاقىرىپ رەتىندە قارالدى. تاراپتار بۇل باعىتتاردىڭ قازاقستان ەكونوميكاسىن جاڭعىرتۋعا جانە ەۋروپا ونەركاسىبىنىڭ ورنىقتىلىعىن ارتتىرۋعا ۇلەس قوساتىنىن جەتكىزدى.
وتىرىسقا قاتىسۋشىلار پارلامەنتتىك ىنتىماقتاستىقتىڭ ماڭىزىن دا اتاپ ءوتىپ, قاراشا ايىندا بريۋسسەلدە وتكەن «قر – ەو» پارلامەنتتىك ىنتىماقتاستىق كوميتەتىنىڭ 22-ءشى وتىرىسىنىڭ تابىستى وتكەنىن جوعارى باعالادى.
ادامدار اراسىنداعى بايلانىستاردى كۇشەيتۋ دە كۇن تارتىبىنەن تۇسكەن جوق. تاراپتار 2 جەلتوقساندا بريۋسسەلدە قازاقستان ازاماتتارى ءۇشىن ەو ۆيزالىق تالاپتارىن جەڭىلدەتۋ جانە رەادميسسيا ماسەلەلەرى بويىنشا كەلىسسوزدەردىڭ باستالۋىن قولداپ, بۇل قادام ءبىلىم, عىلىم, كاسىبي دامۋ جانە ازاماتتاردىڭ موبيلدىگىن كەڭەيتۋگە سەرپىن بەرەتىنىن اتاپ ءوتتى.
وڭىرارالىق ىنتىماقتاستىق تۇرعىسىنان 2025 جىلعى ساۋىردە سامارقاندتا وتكەن «ورتالىق ازيا – ەو» العاشقى سامميتىندە قابىلدانعان تاريحي شەشىم ەرەكشە اتالىپ ءوتتى. ونىڭ ناتيجەسىندە بۇل فورمات رەسمي تۇردە ستراتەگيالىق سەرىكتەستىك دەڭگەيىنە كوتەرىلدى.
تاراپتار 29 ءوزارا ءىس-قيمىل باعىتىن قامتيتىن كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمنىڭ ءتيىمدى جۇمىس ىستەپ كەلە جاتقانىن جانە ءوزارا سەنىمنىڭ نىعايۋىنا بەرىك نەگىز بولعانىن تىلگە تيەك ەتتى.
وتىرىس قورىتىندىسىندا ەرمەك كوشەرباەۆ پەن كايا كاللاس ساياسي ديالوگتى ودان ءارى نىعايتۋعا, ساۋدا مەن ينۆەستيتسيالاردى دامىتۋعا, وڭىرلىك ءوزارا بايلانىستىلىقتى ارتتىرۋعا جانە گۋمانيتارلىق سالاداعى ىنتىماقتاستىقتى تەرەڭدەتۋگە بەيىلدى ەكەندەرىن ايتتى.
