سۋرەت: abai.kz
تۋرنيرگە تۇركياداعى بىرنەشە قالا مەن جوعارى وقۋ ورىندارىندا وقيتىن قازاق ستۋدەنتتەرىنەن قۇرالعان كوماندالار قاتىستى. ويىن بارىسىندا جانكۇيەرلەر ءوز كوماندالارىن بەلسەندى قولداپ, ەرەكشە اتموسفەرا قالىپتاستىردى.
– جارىستىڭ ماقساتى – قازاق ستۋدەنتتەرى اراسىنداعى دوستىقتى نىعايتىپ, ولاردىڭ سپورتقا قىزىعۋشىلىعىن ارتتىرۋ. سونداي-اق شەتەلدە وقىپ جۇرگەن جاستارىمىزدىڭ باسىن بىرىكتىرۋ, – دەدى قازاقستاننىڭ ىستانبۇل قالاسىنداعى باس كونسۋلى امانقۇل نۇريددين.
سونىمەن داستۇرگە اينالعان «Birlik Arbella Super Cup» فۋتبول ءتۋرنيرىنىڭ بيىلعى چەمپيونى ساكاريا قالاسىنىڭ ستۋدەنتتەرى اتاندى. انكارا شاھارىنىڭ ستۋدەنتتەرى قىزىقتى ويىن ورنەگىن كورسەتىپ, 2-ورىندى يەلەندى. 3-ورىن ىستانبۇل قالاسىنداعى حاليچ ۋنيۆەرسيتەتى مەن ەسكيشەحير قالاسىنىڭ كوماندالارىنا بۇيىردى.
اسىرەسە ءبىزدى افون قالاسىنداعى «بىرلىك» قازاق جاستارى ۇيىمىنىڭ قوناقجايلىلىعى ايرىقشا ءتانتى ەتتى. ولار جارىسقا كەلگەن كوماندا مۇشەلەرىن جىلى شىرايمەن قارسى الىپ, بارلىق جاعدايدى جاسادى. قاتىسۋشىلاردى كولىكپەن الىپ ءجۇردى. قالانىڭ اسەم جەرلەرىن ارالاتىپ, جاقسى دەمالىس ۇيىمداستىردى. ستۋدەنتتەردىڭ ءبارى وزدەرىنىڭ ۇيلەرىندە جۇرگەندەي سەزىندى. ءبىر جاعىنان, ءىس-شارانىڭ وسىنداي جوعارى دەڭگەيدە وتۋىنە ولاردىڭ ۇيىمشىلدىعى مەن قوناقجايلىلىعى ەرەكشە اسەر ەتتى.
ءبىر سوزبەن ايتقاندا, بۇل فۋتبول ءتۋرنيرى سپورتتىق جارىس قانا ەمەس, تۇركياداعى قازاق جاستارىنىڭ بىرلىگىن كورسەتتى.
قاراقات بەردالىقىزى
تۇركيا
