– الدىن الا مالىمەت بويىنشا, 30 قاراشا كۇنى قالقامان – باياناۋىل – كەرنەي اۆتوجولىندا, بىرلىك اۋىلىنان 12 شاقىرىم جەردە Lada-21703 جانە Lada-21723 ماركالى ەكى اۆتوكولىك سوقتىعىسقان. كولىكتەر مامانداندىرىلعان تۇراققا قويىلدى, – دەپ حابارلادى پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتى.
اپات سالدارىنان جەتى ادام جاراقات الدى.
وقيعانىڭ ءمان-جايى مەن سەبەپتەرى تەرگەۋ بارىسىندا انىقتالادى.
دەپارتامەنت مۇنداي جاعدايلاردىڭ الدىن الۋ ءۇشىن جول قوزعالىسىنا قاتىسۋشىلارعا جول قوزعالىسى ەرەجەلەرىن, جىلدامدىق رەجيمىن قاتاڭ ساقتاۋدىڭ, اسىرەسە قوزعالىسى قارقىندى ۋچاسكەلەردە, كولىكتىڭ تەحنيكالىق جاعدايىن باقىلاۋدىڭ جانە اۋا رايىنىڭ وزگەرىستەرىن ەسكەرۋدىڭ ماڭىزدىلىعىن ەسكە سالدى.
