فوتو: اشىق دەرەككوز
رەسەي پرەزيدەنتى ۆلاديمير پۋتين قول قويعان جارلىققا سايكەس, قىتاي ازاماتتارى 2026 جىلدىڭ 14 قىركۇيەگىنە دەيىن رەسەيگە ۆيزاسىز كىرىپ-شىعا الادى. جەڭىلدىك ءوزارا نەگىزدە ەنگىزىلىپ وتىر جانە دەمالىس, ىسكەرلىك كەلىسسوزدەر, عىلىمي, مادەني, الەۋمەتتىك-ساياسي, ەكونوميكالىق جانە سپورتتىق ءىس-شارالارعا قاتىسۋ, سونداي-اق ترانزيتپەن ءوتۋ سەكىلدى ساپار تۇرلەرىنە تارالادى.
ۆيزاسىز رەجيمدى پايدالانۋ ءۇشىن قىتاي ازاماتىنىڭ جارامدى تولقۇجاتى بولۋى جەتكىلىكتى.
الايدا بۇل ءتارتىپ جۇمىس ىستەۋ, وقۋ نەمەسە تۇراقتى تۇرۋ ماقساتىندا كەلەتىندەرگە قولدانىلمايدى. سونداي-اق, حالىقارالىق اۆتوكولىك قاتىناسى سالاسىندا جۇرگەن جۇرگىزۋشىلەر, ەكيپاج مۇشەلەرى, جۇك ەكسپەديتورلارى مەن اۋدارماشىلار دا ۆيزاسىز كىرۋ قۇقىعىنا يە بولمايدى.
قىتاي تاراپى دا بۇعان دەيىن ءدال وسىنداي رەجيم ەنگىزگەن بولاتىن. ەكى ەلدىڭ ۆيزاسىز كەلىسىمى 2026 جىلدىڭ قىركۇيەگىنە دەيىن كۇشىندە بولادى.
