فوتو: kaz.zakon.kz
ەل ازاماتتارى قارجىسىن ۇلتتىق ۆاليۋتادا جيناي باستاعان. بيىل بۇل سانات بويىنشا كورسەتكىش 82%-عا جەتىپ, رەكورد ورناتىپ وتىر.
تارقاتا ايتساق, 5 جىل بۇرىن تەڭگەمەن قارجى جينايتىندار ۇلەسى – 55,4%, 10 جىل بۇرىن – 19,5% بولعان. ال بىلتىر 80,4% دەپوزيت يەلەرى اقشاسىن تەڭگەمەن توپتاعان.
شەتەل ۆاليۋتاسىمەن قارجى جياتىندار قاتارى 9,5%-عا ارتقان.
ايماقتار بويىنشا سالىستىرساق, الماتى – الدا. الماتىلىقتاردىڭ دەپوزيتى 9 ترلن تەڭگەگە جەتىپ, بارلىق ۇلەستىڭ 42%-ىن قۇراپ وتىر.
2,7 ترلن تەڭگە توپتاعان استانالىقتار – ەكىنشى ورىندا. ەلوردا تۇرعىندارىنىڭ ۇلەسى جالپى دەپوزيت جيناعىنىڭ 12,5%-ىن قۇراعان.
ۇزدىك بەستىكتى قاراعاندى وبلىسى (1,2 ترلن. تەڭگە), شىمكەنت (897 ملرد. تەڭگە) جانە قوستاناي وبلىسىنىڭ (894,3 ملرد. تەڭگە) تۇرعىندارى قورىتىندىلاعان.
كەرىسىنشە, اقشاسىن دەپوزيتتە ساقتامايتىنداردىڭ باسىم بولىگى ۇلىتاۋ, الماتى جانە جەتىسۋ وبلىستارىندا تۇرادى ەكەن.
ال دەپوزيتتەگى اقشانىڭ كوبەيۋى تۇرعىسىنان دا الماتى مەن استانا كوش باستاپ تۇر.
