اتالعان مەديتسينالىق عىلىمي-زەرتتەۋ ينستيتۋتى CRT-P Amvia Sky قۇرىلعىسىن ورناتا وتىرىپ, جۇرەكتى فيزيولوگيالىق ستيمۋلياتسيالاۋ جونىندەگى ماستەر-كلاسىن قوسا اتقاردى. اتالعان قۇرىلعى كادىمگى ستاندارتتى كارديوستيمۋلياتورلاردان جۇرەك ىرعاعى وزگەرگىشتىگى تابيعي ىرعاققا بارىنشا ۇقساستىعىمەن ايرىقشالانادى.
ەكى ناۋقاسقا دا وپەراتسيانى اريتمولوگيا قىزمەتىنىڭ اعا ورديناتورى اسىلحان پاريمبەكوۆ پولشانىڭ كراكوۆ قالاسىنان كەلگەن پروفەسسور كشيشتوف بوچاردىڭ قاتىسۋىمەن جاسادى.
AV-بلوكادادان كەيىن, جۇرەكشەلەر ابلياتسياسى مەن كارديوحيرۋرگيالىق ارالاسۋلاردى وتكەرگەن, جۇرەك قارىنشالارىنىڭ جيىرىلۋ بىركەلكىلىگى بۇزىلىپ, جۇرەك قىزمەتى جەتكىلىكسىزدىگى, سول جاق قارىنشانىڭ جيىرىلۋ فراكتسياسى تومەندەگەن جاعدايدا پاتسيەنتتەرگە ارنايى ءۇش كامەرالى كارديوستيمۋلياتورلار (CRT-P) قاجەت.
ماستەر-كلاسقا قاتىسقان حيرۋرۋگتار كارديورەسينحرونداۋ تەراپياسى قاعيداتتارىمەن تانىستى. بۇل تەراپيانىڭ كلينيكالىق تاجىريبەدە قولدانىلۋى, جۇرەكتىڭ وتكىزگىشتىك جۇيەسى ايماعىنا يمپلانتاتسيا جاساۋ كورسەتىلدى.
«ماستەر-كلاستار ماماندارىمىزدىڭ مەديتسينانىڭ سوڭعى جەتىستىكتەرىنەن حاباردار بولۋىنا, جاڭا ەمدەۋ ادىستەرى مەن تەحنولوگيالاردى مەڭگەرىپ, كورسەتىلەتىن مەديتسينالىق كومەكتىڭ ساپاسىن ارتتىرىپ, كاسىبي وسۋىنە مۇمكىندىك بەرەدى. تاجىريبە الماسۋ دارىگەرلەردىڭ كاسىبي قىزمەتكە قاجەتتى بىلىمدەرىن, بىلىكتىلىك پەن داعدىلارىن جەتىلدىرۋگە ىقپال ەتەدى», – دەيدى ينستيتۋتتىڭ باسقارما توراعاسى رۇستەم تولەۋتاەۆ.
اسىلحان بۇركىتباي ۇلىنىڭ ايتۋىنشا, ءۇش كامەرالى CRT-P كارديوستيمۋلياتورلارى قارىنشالاردىڭ سينحروندى جۇمىسىن قامتاماسىز ەتىپ, جۇرەكتىڭ قان ايداۋ قىزمەت مەن ۇزدىكسىز جۇمىسىن جاقسارتادى. كارديورەسينحرونداۋ تەراپياسى جۇرەك قىزمەتىنىڭ جەتكىلىكسىزدىگىن ەمدەۋدىڭ ماڭىزدى كومپونەنتى بولىپ قالا بەرەدى, ال ءۇش كامەرالى قۇرىلعىلاردى قولدانۋ ۇزاق مەرزىمدى كلينيكالىق ناتيجەلەردى جاقسارتادى.
«جۇرەكتىڭ وتكىزگىشتىك جۇيەسىنە باعىتتالعان CRT-P يمپلانتاتسياسى جۇرەك قىزمەتى جەتكىلىكسىزدىگى بار ناۋقاستاردا ۇزاق مەرزىمدى ناتيجەلەردى جاقسارتۋعا جاڭا مۇمكىندىك اشادى», – دەيدى جۇرەك ىرعاعى مەن وتكىزگىشتىگى بۇزىلىستارى بولىمشەسىنىڭ مەڭگەرۋشىسى باعدات احىت.
سونىمەن ەكى وپەراتسيا دا ءساتتى ءوتتى. ەندى وزىق كارديوستيمۋلياتور ورناتىلعان ناۋقاستار ەل قاتارلى ءومىر ءسۇرىپ, قالاعان ىسىمەن, سپورتپەن اينالىسىپ, ساياحاتتاي الادى.
