ۆەدومستۆونىڭ مالىمەتىنشە, جاعداي تۇراقتالعان, تەرمينالداردا جۇيە جاڭارتۋ جۇمىستارىنان كەيىن بارلىق پروتسەسس قالىپتى ءجۇرىپ جاتىر.
«كەشە اۋەجاي Airbus كومپانياسىنىڭ A320 اۋە كەمەلەرى ءۇشىن باعدارلامالىق قامتاماسىز ەتۋدى جاڭارتۋ جونىندەگى تەحنيكالىق حابارلاماسىنا بايلانىستى بىرقاتار رەيستەردىڭ كەشىگۋىنە جەدەل ارەكەت ەتتى. جولاۋشىلار ءۇشىن تاماقتانۋ پۋنكتەرى ۇيىمداستىرىلدى, سانيتارلىق ايماقتاردىڭ تازالىعى كۇشەيتىلدى, دەر كەزىندە اقپارات بەرىلدى. مۇمكىندىگى شەكتەۋلى جولاۋشىلار ارنايى بولمەلەرگە ورنالاستىرىلىپ, قاجەتتى قولداۋ كورسەتىلدى», – دەپ اتاپ ءوتتى اۋەجايدىڭ ءباسپاسوز قىزمەتى.
ايتا كەتەيىك, كەشە Airbus كومپانياسى ۇشۋ جارامدىلىعى جونىندە ديرەكتيۆا شىعارىپ, اۆياكومپانيالارعا بيىكتىك ءرولى باسقارىلاتىن كومپيۋتەردىڭ وپەراتسيالىق باعدارلامالىق جاساقتاماسىن دەرەۋ جاڭارتۋدى مىندەتتەگەن بولاتىن.
بۇعان دەيىن ينجەنەرلىك قىزمەتتەر Air Astana جانە FlyArystan كومپانيالارىنىڭ KC 931 جانە FS 7063 رەيستەرىن ورىنداعان ەكى اۋە كەمەسىندە باعدارلامالىق جاساقتامانى جاڭارتقان.
