فوتو: kaztrk.kz
مەملەكەتتىك تىركەۋ نومىرلىك بەلگىلەرى
سۇرانىسى جوعارى نومىرلەردى ساقتاۋ: ەندى ازاماتتار بۇرىن بەرىلگەن, سۇرانىسى جوعارى مەملەكەتتىك تىركەۋ نومىرلىك بەلگىسىن جاڭا كولىك قۇرالىنا تىركەۋگە قويا الادى, ءتىپتى نومىردەگى وڭىرلىك كود جاڭا تۇرعىلىقتى جەرىنىڭ نەمەسە كومپانيانىڭ زاڭدى مەكەنجايىنىڭ كودىمەن سايكەس كەلمەگەن جاعدايدا دا.
ساقتاۋعا تاپسىرىلعان نومىرلەردى ساقتاۋ مەرزىمى: مەملەكەتتىك كورپوراتسياعا ساقتاۋعا تاپسىرىلعان نومىرلىك بەلگىلەر 30 كۇنتىزبەلىك كۇننەن ارتىق ساقتالمايدى. اتالعان مەرزىم وتكەننەن كەيىن نومىرلەر جويىلادى.
نومىرلەردى باسقا تۇلعالارعا بەرۋ: بۇرىن پايدالانىلعان سۇرانىسى جوعارى نومىرلەردى باسقا ادامداردىڭ كولىك قۇرالدارىنا قويۋعا تىيىم سالىنادى. بۇل تالاپتان تەك جاقىن تۋىستار اراسىنداعى قاتىناستارعا بايلانىستى جاعدايلار بوساتىلادى: اتا-انا مەن بالا, اسىراپ الۋشى مەن اسىراپ الىنعان, تۋعان جانە بىرگە اكەدەن نەمەسە شەشەدەن تۋعان اعايىندى-قارىنداستار, اتا-اجە مەن نەمەرەلەر, نەكەدە تۇرعان جۇبايلار.
جۇرگىزۋشى كۋالىكتەرى
اسكەري جۇرگىزۋشى كۋالىگىنىڭ يەلەرى ءۇشىن: زاڭمەن بەلگىلەنگەن جاسقا تولعان, اسكەري جۇرگىزۋشى كۋالىگى بار ازاماتتار ءتيىستى ساناتتاعى كولىك قۇرالدارىن باسقارۋ قۇقىعىن الۋ ءۇشىن اۆتو-مەكتەپتە وقىماي-اق ەمتيحان تاپسىرا الادى.
قاجەتتى قۇجات: بۇل ءۇشىن كولىك قۇرالىن باسقارۋعا مەديتسينالىق قارسى كورسەتىلىمدەردىڭ جوقتىعىن راستايتىن مەديتسينالىق قورىتىندى تالاپ ەتىلەدى. جاڭارتىلعان قاعيدالار 28 قاراشادان باستاپ كۇشىنە ەنەدى.
ايتا كەتەيىك, 23 قاراشادان باستاپ جول قوزعالىسى ەرەجەلەرىنە تاعى بىرقاتار وزگەرىس ەنگىزىلدى. ەندى ەلدى مەكەندەردە جۇك كولىكتەرىنە ارنايى جىلدامدىق شەكتەۋى قويىلدى, ال كورىنۋ ناشار جاعدايدا كولوننامەن ءجۇرۋ ءتارتىبى ناقتىلاندى. كەيبىر اۆتوبۋس تۇرلەرىنە ايالدامالاردا جولاۋشىلاردى وتىرعىزۋعا جانە تۇسىرۋگە رۇقسات بەرىلدى. سونىمەن قاتار ەلەكتروندى جول پاراعىن قولدانۋعا رۇقسات بەرىلىپ, جول بەلگىلەرى تسيفرلاندىرىلدى.
