قازاق تىلىندەگى تۇڭعىش جيناققا كورەي ادەبيەتىنىڭ كلاسسيك جازۋشىلارى ي حيو سوكتىڭ «قاراقۇمىق گۇلدەگەن كەزدە», حيون دجين گوننىڭ ء«ساتتى كۇن» جانە «تۋعان جەر» , كيم يۋ دجونگتىڭ «بوم بوم» جانە «كامەليا گ ۇلى», حۆان سۋن ۆوننىڭ «نوسەر جاڭبىر» اتتى شىعارمالارى ەنگەن.
بۇل باستاما كورەيا رەسپۋبليكاسىنىڭ كوركەم اۋدارما اكادەمياسى ۇسىنعان «شەتەلدىك ۋنيۆەرسيتەتتەردەگى كورەيتانۋ بولىمىنە ارنالعان كوركەم اۋدارما سەمينارى» باعدارلاماسى اياسىندا جۇزەگە استى. كىتاپتىڭ جارىق كورۋىنە ءال-فارابي اتىنداعى قازاق ۇلتتىق ۋنيۆەرسيتەتى, شىعىستانۋ فاكۋلتەتىنىڭ قيىر شىعىس كافەدراسى ۇلكەن ەڭبەك ءسىڭىردى.
2025 جىلدىڭ 8 قازانىندا كورەيا رەسپۋبليكاسىنىڭ الماتى قالاسىنا جاڭادان تاعايىندالعان باس كونسۋلى حا تە ۋك مىرزا ءال-فارابي اتىنداعى قازۇۋ-دە بولىپ, كورەيتانۋ ءبولىمىنىڭ ستۋدەنتتەرىنە ارنايى ءدارىس وقىعان ەدى. وسى كەزدەسۋدە باس كونسۋل كافەدرا جۇزەگە اسىرىپ جاتقان حالىقارالىق جوبالارمەن تانىسىپ, ەكى ەل اراسىنداعى ماڭىزدى باستامالارعا قىزىعۋشىلىق تانىتىپ, كافەدرا قولعا الىپ وتىرعان اۋدارما جيناعىنىڭ جارىققا شىعۋىنا, تۇساۋكەسەرىن وتكىزۋگە قولداۋ كورسەتۋگە نيەت بىلدىرگەن ەدى.
وسىدان كەيىن قيىر شىعىس كافەدراسىنىڭ مەڭگەرۋشىسى اقەركە اباعان, كافەدرا دوتسەنتى ايگەرىم بەليالوۆا مەن اعا وقىتۋشى ايگەرىم سايلاۋكەنوۆا جەتەكشىلىك ەتكەن اۋدارماشىلار توبى جيناقتىڭ كورنەكى بەزەندىرىلۋىنە قاتىستى باس كونسۋلدىقتان قولداۋ سۇراپ, ءوزارا مادەني, ادەبي بايلانىستا انيماتسيالىق فيلمدەردىڭ ماڭىزى ۇلكەن ەكەندىگى جەتكىزگەن.
قوس تاراپتىڭ تۇسىنىستىك تاۋىپ, ءبىرىن ءبىرى قولداۋىنىڭ ارقاسىندا كورەيانىڭ تانىمال انيماتسيالىق رەجيسسەرى ان دجە حۋن مىرزا ءوز تۋىندىلارىن جيناقتا اقىسىز پايدالانۋعا رەسمي تۇردە رۇقسات بەرەدى. ناتيجەسىندە قازۇۋ-دىڭ كورەيتانۋ ءبولىمىنىڭ 4-كۋرس ستۋدەنتتەرى رەجيسسەردىڭ ءۇش انيماتسيالىق فيلمىنە قازاق تىلىندە سۋبتيتر ازىرلەدى.
اۋدارما كىتاپتىڭ تۇساۋكەسەرىندە ان دجە حۋن مىرزانىڭ العاش رەت قازاق سۋبتيترلەرى قويىلعان «قاراقۇمىق گۇلدەگەن كەزدە», ء«ساتتى كۇن» جانە «بوم بوم» اتتى اننيماتسيالىق فيلمدەرى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى, ءال-فارابي اتىنداعى قازاق ۇلتتىق ۋنيۆەرسيتەتىنىڭ كورەيتانۋ ءبولىمى ستۋدەنتتەرى مەن وقىتۋشىلارىنىڭ نازارىنا ۇسىنىلدى.
تۇساۋكەسەردەن كەيىن «Book Talk» فورماتىنداعى ادەبي سۇحبات ءوتىپ, اقەركە اباعان مەن ايگەرىم سايلاۋكەنوۆاعا, سۋبتيتر ازىرلەۋگە قاتىسقان ستۋدەنتتەر اباي توميريس پەن البينا ۋاحيتوۆاعا, سونداي-اق رەجيسسەر ان دجە حۋن مىرزاعا ادەبيەتتەگى ادەمى جاڭالىققا اينالعان اۋدارما جيناعىنا قاتىستى سۇراقتار قويىلدى.
الماتى
