قوناقتار ۋنيۆەرسيتەتتىڭ نەگىزگى عىلىمي جانە ءبىلىم بەرۋ بولىمشەلەرىن ارالاپ, Stroytech تەحنولوگيالىق پاركى, حالىقارالىق وزىق فۋنكتسيونالدىق ماتەريالدار جانە ولاردىڭ كومپوزيتتەرى جونىندەگى R&D ورتالىعى, Porsche جانە Astana Motors اۋديتوريالارىندا بولدى. اسىرەسە City University of Hong Kong فيليالى مەن MIT FabLab وندىرىستىك زەرتحاناسىنا باسا نازار اۋدارىلدى – بۇل الەمنىڭ جەتەكشى ۋنيۆەرسيتەتتەرىنىڭ بىرەگەي ەرەكشە فيليالدارى بولىپ تابىلادى جانە ساتباەۆ ۋنيۆەرسيتەتىنىڭ ستۋدەنتتەرىنە الەمدىك ستاندارتتار بويىنشا ءبىلىم الۋعا, وزىق تەحنولوگيالارمەن جۇمىس ىستەۋگە جانە جاھاندىق زەرتتەۋ جوبالارىنا قاتىسۋعا مۇمكىندىك بەرەدى.
ساپار بارىسىندا دەلەگاتسيا زاماناۋي وقىتۋ ادىستەرىمەن, عىلىمنىڭ وقۋ پروتسەسىنە ينتەگراتسيالانۋىمەن جانە ستارتاپتاردى دامىتۋعا مۇمكىندىك بەرەتىن ۋنيۆەرسيتەت ەكوجۇيەسىمەن تانىستى. قىرعىز رەسپۋبليكاسىنىڭ وكىلدەرى زەرتحانالار مەن وقۋ اۋديتوريالارىنىڭ جوعارى تەحنيكالىق جابدىقتالۋىن, ستۋدەنتتەردىڭ زاماناۋي تەحنولوگيالاردى ناقتى جاعدايدا مەڭگەرۋىنە مۇمكىندىك بەرەتىن تاجىريبەگە باعدارلانعان وقىتۋ ءتاسىلىن, سونداي-اق ساتباەۆ ۋنيۆەرسيتەتىنىڭ ينجەنەر كادرلاردى دايارلاۋدا حالىقارالىق ورتالىق رەتىندەگى الەۋەتىن ەرەكشە اتاپ ءوتتى.
بۇل ساپار يۋنيسەف ۇيىمداستىرعان «2050 ۇرپاعى: ەرتەڭگى كۇنگە بۇگىنگى ينۆەستيتسيالار» اتتى كونفەرەنتسياسىنا قىرعىز دەلەگاتسياسىنىڭ قاتىسۋى اياسىندا ءوتتى جانە قازاقستان مەن قىرعىزستان ەلدەرى اراسىندا عىلىم, ءبىلىم جانە يننوۆاتسيالار سالالارى بويىنشا ىنتىماقتاستىقتى نىعايتۋدا ماڭىزدى قادام بولدى.
