«بۇل – مەنىڭ شەشىمىم. مەن داستاننان ادەيى سارى قاعاز الۋدى سۇرادىم. ول بۇعان دەيىنگى ويىنداردا ەكى رەت سارى قاعاز العان ەدى. سوندىقتان بۇل تاكتيكالىق شەشىم بولدى. ەندى ول دەنساۋلىعىنا كوڭىل ءبولىپ, ەمدەلەدى جانە كەلەسى ويىنعا قاتىسپايدى. ەسەسىنە, قالعان ەكى ويىنعا ەش الاڭسىز دايىندالادى», دەدى ۋرازباحتين.
ايتا كەتەيىك, داستان ساتپاەۆ كەشە «كوپەنگاگەن» قاقپاسىنان ساڭىلاۋ تاپتى جانە چەمپيوندار ليگاسىنىڭ نەگىزگى كەزەڭىندە گول سوققان العاشقى قازاق فۋتبولشىسى اتاندى. سونىمەن قاتار ول چل تاريحىندا گول سالعان (17 جاس, 110 كۇن) ەڭ جاس ويىنشىلاردىڭ ۇشتىگىنە كىردى. بۇعان دەيىن مۇنداي اتاققا انسۋ فاتي (17 جاس, 40 كۇن) مەن لامين يامال (17 جاس, 68 كۇن) قول جەتكىزگەن ەدى.
سىرت الاڭدا وتكەن كەزدەسۋ 2:3 ەسەبىمەن «كوپەنگاگەن» جەڭىسىمەن اياقتالدى. «قايرات» ساپىنان ولجاس بايبەك تە بۇل ويىندا مەرگەندىگىمەن كوزگە ءتۇستى.
