فوتو: ۆيدەودان الىنعان سكرين
دانيالىقتار الماتىدان 5000 كم شاقىرىمدى ارتقا تاستاپ, كومانداسىن قولداۋعا كەلگەن 10 جانكۇيەردى ارنايى جاسىل الاڭعا شاقىرىپ, كادەسىي تارتۋ ەتتى. ىلتيپاتقا تولى كورىنىستى ۋەفا چەمپيوندار ليگاسىنىڭ ينستاگرامداعى رەسمي پاراقشاسى جاريالادى.
«كوماندا ءۇشىن 5000 كم جول ءجۇرۋ – مارتەبە. الماتىدان 10 جانكۇيەر اتتانىپتى. جانكۇيەرلەرسىز فۋتبول – فۋتبول بولماس ەدى. بارلىق جانكۇيەر ءۇشىن چەمپيوندار ليگاسى اياسىنداعى ماتچتار كەرەمەت ءوتسىن دەپ تىلەيمىز», دەلىنگەن پاراقشاداعى جازبادا.
«قايرات» قۇراماسى ءوز كەزەگىندە سىي-قۇرمەتكە العىس ايتىپ, جازبا استىندا پىكىر قالدىردى.
ايتا كەتەيىك, «كوپەنگاگەن» – «قايرات» كەزدەسۋىندە وتانداستارىمىزدىڭ ساپىنان داستان ساتباەۆ پەن ولجاس بايبەك گول سوقتى.
