سۋرەتتى تۇسىرگەن – ۆالەري بۋگاەۆ
ەل-جۇرت باسىنان وتكەرگەن قيىن-قىستاۋ كۇندەردىڭ, قۋانىشتى ۇندەردىڭ كۋاسىنە, جاقسىلىقتىڭ جارشىسى, يگى ىستەردىڭ باستاۋشىسىنا اينالعان «Ertis» ارناسىنىڭ مەرەيتويى وبلىس كولەمىندە اتالىپ ءوتتى.
الپىس جىل ىشىندە ايماقتىڭ باستى ارناسى تالاي تاريحي كەزەڭدى باستان كەشتى. ەكرانداعى بەينەلەر اق-قارا تۇستەن زامان تالابىنا ساي ءتۇرلى ءتۇستى بەينەگە اۋىسىپ, تەلەستۋديالار جاڭاردى. ءوڭىردىڭ كەز كەلگەن نۇكتەسىنەن تىكەلەي ەفيردە اقپارات تاراتۋ مۇمكىندىگىنە قول جەتكىزدى. قازىرگى ۋاقىتتا ارنا زامانعا ساي جوبالار ۇسىنىپ, كورەرمەن كوڭىلىنەن شىعاتىن كونتەنتتەردى ۇزبەي بەرىپ كەلەدى. بۇل قاتاردا «OILike», «جاڭا كۇن», ء«بىرىنشى ستۋديا», «تەلەورتالىق», «رۋحانيات», «امانات», ء«ساراسوز» بەن تاعى باسقا تەلەباعدارلامالاردى اتاپ وتۋگە بولادى. بيىل تسيفرلىق تەحنولوگيالار كەڭ قولدانىس تاۋىپ, ۆيرتۋالدى جۇرگىزۋشى دە پايدا بولدى. زامان كوشىنەن قالىسپاعان ارنا ۇجىمىنىڭ دەنى – جاستار.
«ونداعان جىلدار بويى «Ertis» ءوڭىرىمىزدىڭ ءۇنى بولىپ كەلەدى جانە سولاي بولىپ قالا بەرەتىنىنە سەنىم بەرىك. سىزدەر تاراتاتىن اقپاراتقا حالىق سەنەدى ءارى وبەكتيۆتى اقپارات كۇتەدى. ۇجىم بۇل مىندەتتى ابىرويمەن اتقارىپ ءجۇر» دەپ اتاپ ءوتتى ءوڭىر باسشىسى اسايىن بايحانوۆ.
وبلىس اكىمى ارنانىڭ اۆتوكولىك پاركىن جاڭارتۋعا 30 ملن تەڭگەلىك سەرتيفيكات تابىس ەتتى.
پاۆلودار
