Moody’s بەرگەن بۇل باعالار «وتباسى بانكتىڭ» تۇراقتى, سەنىمدى جانە جاۋاپكەرشىلىگى جوعارى قارجى ينستيتۋتى ەكەنىن كورسەتەدى. بۇگىندە بانك اكتيۆتەر كولەمى بويىنشا ەلدەگى ەكىنشى دەڭگەيلى بانكتەر ىشىندە 4-ورىندا, ال مەنشىكتى كاپيتال بويىنشا 5-ورىندا تۇر. بيىل بانك ونىمدەرىنىڭ ارقاسىندا 62 363 وتباسى باسپانالى بولىپ, قونىس تويىن اتاپ ءوتتى.
تاعى ءبىراز ازامات ءۇشىن مۇنداي يگىلىككە قول جەتكىزۋ مۇمكىندىگى ءالى دە بار. «وتباسى بانك» قازىرگى ۋاقىتتا «ناۋرىز» باعدارلاماسى بويىنشا وتىنىمدەر قابىلداپ جاتىر. ءوتىنىم قابىلداۋ 2025 جىلدىڭ 1 جەلتوقسانىنا دەيىن جالعاسادى. وسى كەزەڭ اياقتالعان سوڭ قاتىسۋشىلار پۋلدارى قالىپتاسىپ, ودان ءارى كرەديتتىك وتىنىمدەردى قابىلداۋ, تۇرعىن ءۇي ىزدەۋ جانە قارىز بەرۋ كەزەڭى باستالادى. بۇگىندە باعدارلاماعا 19 580 ءوتىنىم ءساتتى تىركەلدى. ونىڭ ىشىندە 3 119 ءوتىنىم تۇرعىن ءۇي كەزەگىندە تۇرعان الەۋمەتتىك جاعىنان وسال ساناتتاعى ازاماتتاردان تۇسكەن.
«ناۋرىز» باعدارلاماسىنا قاتىسۋشىلاردىڭ باسىم بولىگى – 35 جاسقا دەيىنگى جاستار. تۇرعىنداردىڭ ەڭ كوپ تاڭدايتىن قالالارى – الماتى, استانا, شىمكەنت. بيىلدىڭ وزىندە بۇل باعدارلاما 7 404 وتباسىنىڭ قونىس تويىن تويلاۋىنا مۇمكىندىك بەردى.
بانك تۇرعىن ءۇي قۇرىلىس جيناق جۇيەسى اياسىندا قارىز بەرۋدى دە بەلسەندى تۇردە جالعاستىرىپ كەلەدى. بۇل – بۇگىندە ەلىمىزدىڭ بارلىق وڭىرىندەگى كوپتەگەن ازامات ءۇشىن ەڭ قولجەتىمدى جانە كەڭىنەن قولدانىلاتىن نەگىزگى قۇرالداردىڭ ءبىرى. وسىنداي تۇراقتى ءارى جۇيەلى جۇمىستىڭ ناتيجەسى بانكتىڭ كرەديتتىك پورتفەلىنەن ايقىن كورىنەدى. «وتباسى بانكتىڭ» ۇلەسى ەلىمىزدەگى بۇكىل يپوتەكالىق پورتفەلدىڭ 51%-ىن قۇرايدى. ال جالپى كرەديتتىك پورتفەل كولەمى 3 885 454 ميلليون تەڭگەگە جەتتى.
قازىر تۇرعىن ءۇي قۇرىلىس جيناق جۇيەسىنە ەلىمىزدىڭ 3,3 ملن ازاماتى سەنىم ارتىپ وتىر.
جەكە تۇلعالارعا بولاشاقتاعى باسپاناسى ءۇشىن قاراجات جيناۋعا مەملەكەت تە قولداۋ كورسەتەدى. جىل سايىن مەملەكەت دەپوزيت سوماسىنىڭ 20%-ىنا دەيىنگى سىيلىقاقىنى (ماكسيمالدى 200 اەك) ەسەپتەپ بەرەدى. 2025 جىلى دا بۇل مۇمكىندىك ساقتالادى. جىل سوڭىنا دەيىن, ياعني 31 جەلتوقسانعا دەيىن, دەپوزيتكە 786 400 تەڭگە سالساڭىز, ماكسيمالدى سىيلىقاقى رەتىندە 157 280 تەڭگە الۋعا بولادى.
