فوتو: اشىق دەرەككوز
قۇزىرلى ورگانداردىڭ تەرگەۋى بارىسىندا «ەڭبەك موبيلدىلىگى ورتالىعى» جانە بىرقاتار كوممەرتسيالىق ۇيىمداردىڭ بۇرىنعى قىزمەتكەرلەرى مەن باسشىلارى جالعان جۇمىس ورىندارىن جاساپ, بيۋدجەت قارجىسىن زاڭسىز يەمدەنگەنى انىقتالدى.
تەرگەۋ مالىمەتتەرى بويىنشا, ورتالىق قىزمەتكەرى كاسىپكەرلەردىڭ ەلەكتروندىق تسيفرلىق قولتاڭبالارىن پايدالانىپ, مەملەكەتتىك باعدارلامالارعا وتىنىمدەر بەرگەن. وتىنىمدەردە جالعان لاۋازىمدار كورسەتىلگەن, ولار ماقۇلدانعان سوڭ, ناقتى جۇمىس اتقارماعان ادامدارعا قاتىستى قىزمەتتىك بۇيرىقتار راسىمدەلگەن.
كاسىپكەرلەر ءوز تانىستارى مەن تۋىستارىن تارتۋ ارقىلى بانكتىك شوت اشۋدى ۇسىنعان. شىن مانىندە, بۇل شوتتار جالعان جۇمىسشىلاردىڭ جالاقىسىن اۋدارۋ ءۇشىن قولدانىلعان. اي سايىن جالعان ەڭبەك ۋاقىتىن ەسەپكە الاتىن تابەلدەر تولتىرىلىپ, قاراجات شوتتارعا ءتۇسىپ وتىرعان. كەيىن الىنعان اقشالار قولما-قول اقشاعا اينالدىرىلادى جانە سحەماعا قاتىسۋشىلار اراسىندا بولىنگەن.
«ناتيجەسىندە 78 ادام جالعان ەڭبەككە ورنالاستىرىلعان. مەملەكەتكە كەلتىرىلگەن زالال 49 ملن تەڭگەدەن استى. سوتتىڭ ۇكىمىمەن ءۇش كىنالىگە 4 جىل 6 ايدان 5 جىلعا دەيىنگى مەرزىمگە باس بوستاندىعىنان ايىرۋ جازاسى تاعايىندالدى. ەكى كاسىپكەرگە 4 جىل 6 اي مەرزىمگە باس بوستاندىعىن شەكتەۋ جازاسى بەلگىلەندى», دەلىنگەن قما حابارلاماسىندا.
ۇكىم ءالى زاڭدى كۇشىنە ەنگەن جوق.
