فوتو: اۋىل شارۋاشىلىعى مينيسترلىگى
قورشاعان ورتا جانە كليمات وزگەرىسى مينيسترلىگى جانىنداعى ءباا تاعام قاۋىپسىزدىگى اگەنتتىگىنىڭ باسشىسى ابدۋللا دجانااننىڭ رەسمي ساپارى شەڭبەرىندە كوميتەت وكىلدەرىمەن جۇمىس كەزدەسۋى ءوتىپ, تاراپتار ءوزارا ىنتىماقتاستىقتىڭ وزەكتى ماسەلەلەرىن, ەكسپورتتىق جەتكىزىلىمدەردى ارتتىرۋ مۇمكىندىكتەرىن جانە ازىق-ت ۇلىك قاۋىپسىزدىگىن باقىلاۋ سالاسىنداعى ءوزارا ءىس-قيمىلدى تەرەڭدەتۋ بولاشاعىن تالقىلادى.
اۋىل شارۋاشىلىعى مينيسترلىگىنىڭ مالىمەتىنشە, 2020 جىلدان بەرى تىزىلىمدە بار جانە ءباا-گە سيىر ەتى ونىمدەرىنىڭ نەگىزگى جەتكىزۋشىلەرىنىڭ ءبىرى سانالاتىن KAZBEEF كاسىپورنىنا دا بارعان دەلەگاتسيا – كاسىپورىندا ەنگىزىلگەن قاۋىپسىزدىك, ساپا جانە ءونىمنىڭ قاداعالانۋى ستاندارتتارىنا جوعارى باعا بەرىپ, ىنتىماقتاستىقتى كەڭەيتۋدىڭ الەۋەتى زور ەكەنىن اتاپ ءوتتى.
جالپى, بۇگىندە مال ونىمدەرىن ءوندىرۋ جانە ەكسپورتتاۋمەن اينالىساتىن 14 وتاندىق كومپانيا ءباا يمپورتتاۋشىلارىنىڭ تىزىمىنە ەنگىزىلگەن.
