فوتو: وقۋ-اعارتۋ مينيسترلىگى
ج.سۇلەيمەنوۆانىڭ ايتۋىنشا, پرەزيدەنت تاپسىرماسىمەن ەلىمىزدە العاش رەت قابىلدانعان «جاساندى ينتەللەكت تۋرالى» زاڭ تەحنولوگيالىق دامۋدىڭ جاڭا كەزەڭىن ايقىندايدى. مينيسترلىكتىڭ كۇن تارتىبىندەگى ماڭىزدى ماسەلەلەردىڭ ءبىرى – جاھاندىق باسەكەگە قابىلەتتى, وزىق ويلى, ءبىلىمدى, جاڭاشىل, ادال ازامات تاربيەلەۋ ءۇشىن AI تەحنولوگيالارىن ءبىلىم بەرۋ پروتسەسىنە ساۋاتتى ءارى ساپالى ەنگىزۋ.
«جي مۇعالىمنىڭ ارتىق جۇكتەمەسىن ازايتۋ جانە وقۋ پروتسەسىن ءتيىمدى ۇيىمداستىرۋى ءۇشىن كومەكشى قۇرال رەتىندە قولدانىلۋى كەرەك», دەدى مينيستر.
وقۋ-اعارتۋ ۆەدومستۆوسىنىڭ مالىمەتىنشە, وتىرىستا جي-ءدى وقۋ ۇدەرىسىنە كەزەڭ-كەزەڭمەن ەنگىزۋ ءۇشىن ەتيكالىق ستاندارتتاردى بەكىتۋ, نورماتيۆتىك بازانى جەتىلدىرۋ, يننوۆاتسيالىق شەشىمدەر ارقىلى ءبىلىم ساپاسىن ارتتىرۋ, AI جۇيەلەرىنە قويىلاتىن تەحنيكالىق تالاپتاردى ازىرلەۋ بويىنشا ماسەلەلەر قارالدى.
جۇمىس توبىنا جەتەكشى رەتىندە ءماجىلىس دەپۋتاتى, ەكونوميكالىق رەفورما جانە وڭىرلىك دامۋ كوميتەتىنىڭ حاتشىسى ەكاتەرينا سمىشلياەۆا سايلاندى.
