وبلىستىق قۇرىلىس جانە ساۋلەت باسقارماسىنىڭ مالىمەتىنشە, بيىل قالالىق مەكەندەردە اتالعان ساناتتاعى ازاماتتارعا باسپانا ساتىپ الۋعا بولىنەتىن قارجى ءبىرشاما ازايعان. ەسەسىنە اۋىل تۇرعىندارىن جاڭا ۇيمەن قامتاماسىز ەتۋگە باسىمدىق بەرىلىپ وتىر.
باسقارما باسشىسى ديدار تىلەۋباەۆتىڭ ايتۋىنشا, وتكەن جىلى اۋدان ورتالىقتارىندا اتالعان ساناتتاعى ازاماتتارعا بىردە-ءبىر ءۇي ساتىپ الىنباعان. ال بيىل اۋليەكول اۋدانىندا 24 پاتەر, ناۋىرزىم اۋدانىندا 25, سارىكولدە 16, بەيىمبەت مايلين اۋدانىندا 12, امانگەلدىدە 12, ۇزىنكولدە 10 پاتەر ساتىپ الۋ جوسپارلانىپ وتىر.
وڭىردە بيۋدجەت قارجىسىنا 14 كوپ قاباتتى تۇرعىن ءۇي سالىنعان. بۇل ۇيلەرگە تۇرعىندار جەڭىلدەتىلگەن نەسيە رەسىمدەۋ ارقىلى قونىستانىپ جاتىر. جىل سوڭىنا دەيىن قوستانايداعى «بەرەكە» شاعىن اۋدانىندا 40 پاتەرلى تاعى ءبىر ءۇي ەل يگىلىگىنە بەرىلمەك. اتالعان شاعىن اۋداندا تاعى ءۇش ءۇي سالىنىپ جاتىر. سونىمەن قاتار, توبىل قالاسىندا كوپ قاباتتى 13 تۇرعىن ءۇيدىڭ قۇرىلىسى باستالدى. بۇل ۇيلەر 2026 جىلى پايدالانۋعا بەرىلەدى.
قوستاناي وبلىسى
