«زاڭ مەن ءتارتىپ» يدەولوگياسىن جۇزەگە اسىرۋ اياسىندا ايماق ينۆەستورلارىمەن كەزدەسكەن قىزىلوردا وبلىسىنىڭ پروكۋرورى ريزابەك وجاروۆ وسىنداي دەرەك كەلتىردى.
كەزدەسۋ بارىسىندا وزەكتى ماسەلەلەر تالقىلانىپ, ولاردى شەشۋ جولدارى بەلگىلەندى. كاسىپكەرلىك قىزمەتكە زاڭسىز ارالاسقانى (1-ءۋى اقبتك-ءنىڭ 173-بابى) جانە كاسىپكەرلىك سۋبەكتىلەرىنە تەكسەرۋ جۇرگىزۋ ءتارتىبىن بۇزعانى ءۇشىن (3-ءۋى اقبتك-ءنىڭ 175-بابى) 4 تۇلعا اكىمشىلىك جاۋاپتىلىققا تارتىلدى.
سونىمەن قاتار 590 كاسىپكەردىڭ قىزمەتىنە زاڭسىز تەكسەرۋ جۇرگىزۋگە جول بەرىلمەدى. پروكۋراتۋرا كاسىپ يەلەرىنىڭ قىزمەتىنە قاتىستى تەكسەرۋ تاعايىنداۋ بويىنشا 9, اكىمشىلىك ءىس جۇرگىزۋدى قوزعاۋعا قاتىستى 11 جانە 1 تالاپ ارىز قويۋ ماتەريالدارىمەن كەلىسۋدەن باس تارتتى.
ايماقتا بيزنەستى قورعاۋ وبلىس پروكۋراتۋراسىنىڭ ەرەكشە باقىلاۋىندا تۇر.
