سوڭعى جىلدارى جەكە تۇتىنۋشىلار ءوز ۇيلەرى مەن بيزنەس نىساندارىن كۇن ەنەرگياسىمەن تولىق قامتاماسىز ەتىپ, ارتىعىن ەلەكتر جەلىسىنە كەرى ساتىپ, تابىس تاباتىن نەتتو-گەنەراتسيا مودەلى كەڭ تارالا باستادى. بۇرىن ەنەرگوجۇيەدە ۇلەسى از بولعان بۇل باعىت بۇگىندە جاڭا ەنەرگەتيكالىق ينفراقۇرىلىمنىڭ ماڭىزدى قۇرامداسىنا اينالىپ كەلەدى.
تاراتىلعان ەنەرگەتيكا — جۇيەنى جاڭعىرتۋدىڭ جاڭا كەزەڭى
ساراپشىلاردىڭ ايتۋىنشا, ەلىمىزدىڭ بولاشاق ەنەرگوجۇيەسى ءىرى ستانسالارعا عانا ەمەس, مىڭداعان شاعىن گەنەراتسيا كوزدەرىنە سۇيەنەتىن تاراتىلعان مودەلگە كوشىپ كەلەدى. بۇل:
-
جۇكتەمەنىڭ جازعى شىڭ كەزەڭىندە تومەندەۋىنە,
-
جەلىلەردىڭ تۇراقتىلىعىنىڭ ارتۋىنا,
-
ەلەكتر ساپاسىنىڭ جاقسارۋىنا,
-
ەنەرگيا بالانسىن يكەمدى ەتۋگە جول اشادى.
وڭتۇستىكتەگى سەرپىن: ناقتى دەرەكتەر
«قازاقستاندىق كوممۋنالدىق جۇيەلەرى» توبىنىڭ جانە تۇركىستان وبلىسى مەن شىمكەنتكە قىزمەت كورسەتەتىن «وڭتۇستىك جارىق ترانزيت» كومپانياسىنىڭ دەرەگى 2025 جىلى ايماقتا قۇرىلىمدىق وزگەرىس بولعانىن كورسەتەدى.
ميكروگەنەراتسيانىڭ نەگىزگى كورسەتكىشتەرى:
-
نەتتو-تۇتىنۋشىلار سانى: 22-دەن 78-گە دەيىن ءوسىپ, 3,5 ەسەدەن استام ناتيجەگە جەتتى;
-
ورناتىلعان قۋات: 2750 كۆت → 7602 كۆت;
-
جەلىلەرگە بەرىلگەن ەنەرگيا: 2025 جىلدىڭ ون ايىندا 3,5 ملن كۆت·ساع,
(2024 جىلى — 910 727 كۆت·ساع).
ەكونوميكالىق تيىمدىلىك جانە ەنەرگيا قاۋىپسىزدىگى
كۇن ەلەكتر ستانسالارى ايماقتىڭ ەنەرگيا قاۋىپسىزدىگىن نىعايتىپ, پيكتىك ساعاتتاعى جۇكتەمەنى تومەندەتەدى.
قارجى ناتيجەسى دە وڭ:
-
«وڭتۇستىك جارىق ترانزيت» جەلىسىنە نەتتو-تۇتىنۋشىلارعا تولەنگەن سوما 200 ملن تەڭگەدەن استى;
-
ونىڭ 120 ملن تەڭگەسى — 2025 جىلدىڭ العاشقى ون ايىندا.
بۇل كاسىپكەرلەرگە سالىنعان ينۆەستيتسيانىڭ جىلدام وتەلۋىنە, شىعىنداردىڭ ازايۋىنا جانە نىسانداردىڭ ەنەرگيا تيىمدىلىگىن ارتتىرۋعا مۇمكىندىك بەرىپ وتىر.
2026 جىلعا بولجام
قازىرگى ءوسىم قارقىنى ساقتالسا, كەلەسى جىلى:
-
نەتتو-تۇتىنۋشىلار سانى 100-دەن اسادى,
-
كۇن ستانسالارىنىڭ جالپى قۋاتى 10 مۆت بولادى.
بۇل جىلىنا 5 ملن كۆت·ساع-تان استام تازا ەنەرگيا وندىرۋگە مۇمكىندىك بەرەدى.
