فوتو: الماتى قالاسىنىڭ اكىمدىگى
داۋىس روبوتتارى كۇن سايىن قالا تۇرعىندارىنا ۆاكتسيناتسيا, سكرينينگ, فليۋوروگرافيا جانە پروفيلاكتيكالىق تەكسەرۋدەن ءوتۋ بويىنشا قوڭىراۋ شالادى.
بۇعان دەيىن مەدبيكەلەر كۇنىنە 15-20 ەم الۋشىعا عانا قوڭىراۋ شالىپ, بۇل ىسكە ءبىرشاما ۋاقىت پەن ەنەرگياسىن جۇمساپ كەلگەن. ەندى مەدبيكەلەردىڭ جۇمىسىن داۋىس روبوتتارى جەڭىلدەتپەك.
روبوتتار قازاق جانە ورىس تىلدەرىندە سويلەيدى جانە جاۋاپ العانعا دەيىن قوڭىراۋ شالۋىن توقتاتپايدى.
جاساندى ينتەللەكت جۇيەسىنىڭ ارقاسىندا ولار مىڭداعان قوڭىراۋدى ءبىر ۋاقىتتا وڭدەي الادى, بۇل ەمحانالاردىڭ جۇمىس ىستەۋ تيىمدىلىگىن ارتتىرادى.
جوبانى Almaty Digital Medical Center جۇزەگە اسىرعان. ورتالىقتا دارىگەرلەردىڭ ناۋقاستارعا كوبىرەك ۋاقىت ارناۋىنا مۇمكىندىك بەرەتىن 1312 بىرىڭعاي بايلانىس ورتالىعى جۇمىس ىستەيدى. سونداي-اق, تەلەمەديتسينالىق پاتروناج جانە ونلاين-كەڭەس جۇيەسى دە ەنگىزىلگەن.
