فوتو: gov.kz
باستى جاڭالىق – ۇجىمدىق قۇقىقتاردى باسقارۋعا ارنالعان بىرىڭعاي تسيفرلىق پلاتفورما. جاڭا جۇيە اۆتورلىق شىعارمالاردىڭ پايدالانىلۋىن, كەلىسىمشارتتار مەن سىياقى تولەمدەرىن ءبىر ورتالىققا جيناقتاپ, اشىق ءارى قولايلى تەتىك قالىپتاستىرماق.
ادىلەت ۆيتسە-ءمينيسترى بوتاگوز جاقسەلەكوۆانىڭ ايتۋىنشا, بۇل قادام شىعارماشىلىق يەلەرىنە تيەسىلى سىياقىنىڭ ءادىل جينالۋىنا جانە ۋاقتىلى بولىنۋىنە جول اشادى.
كەزدەسۋگە كرەاتيۆتىك يندۋستريا, وڭىرلىك پالاتالار, تەاترلار, فيلارمونيالار, اۆتورلار مەن كاسىپكەرلەردەن قۇرالعان 200-دەن استام قاتىسۋشى كەلىپ, جاڭا پلاتفورمانىڭ جۇمىس مەحانيزمىن تالقىلادى. قاتىسۋشىلار تسيفرلاندىرۋدىڭ ەنگىزىلۋى سالاداعى اشىقتىقتى كۇشەيتىپ, شىعارماشىلىق ورتاعا سەنىمدىلىك پەن تيىمدىلىك قوسا تۇسەتىنىن اتاپ ءوتتى.
