فوتو: الماتى وبلىسىنىڭ ءباسپاسوز قىزمەتى
تەستىلەۋ قورىتىندىسى اڭسار سارقىتبەك پەن ايشا نازاردىڭ جوعارى دەڭگەيدەگى دايىندىعىن, ايقىن قابىلەتتەرىن جانە بىلىمگە دەگەن زور قۇشتارلىعىن كورسەتكەن. ساراپشىلار بۇل گرانتتىڭ وقۋشىلاردىڭ تاباندىلىعى جانە جۇيەلى ەڭبەگىنىڭ ناتيجەسىندە بەرىلگەنىن اتاپ ءوتتى.
الماتى وبلىسى ءباسپاسوز قىزمەتىنىڭ مالىمەتىنشە, حالىقارالىق گرانت يەگەرلەرى 2026 جىلدىڭ 5 قاڭتارىنان باستاپ 4-سىنىپتىڭ ەكىنشى جارتىجىلدىعىن مالايزياداعى حالىقارالىق مەكتەپتە جالعاستىراتىن بولادى. وقۋشىلاردىڭ وقۋ اقىسى تولىق كولەمدە تولەنىپ, بارلىق قاجەتتى اكادەميالىق قولداۋ كورسەتىلەدى.
قۋانىشتى جاڭالىقتى مەكتەپ ۇجىمى ىستىق ىقىلاسپەن قابىلداپ, وقۋشىلار مەن ولاردىڭ ۇستازدارىن قۇتتىقتادى.
شەتەلدە ءبىلىم الۋ جاس دارىندار ءۇشىن بولاشاقتاعى جەتىستىكتەرگە باستار ماڭىزدى قادام بولىپ, جاڭا حالىقارالىق مۇمكىندىكتەرگە جول اشادى دەپ كۇتىلۋدە.
اڭسار مەن ايشانىڭ جەڭىسى – تالعارلىق وقۋشىلاردىڭ بىلىمگە دەگەن جوعارى ۇمتىلىسى مەن الەۋەتىنىڭ دالەلى. پەداگوگتەر مەن اتا-انالار بالالاردىڭ الداعى ۋاقىتتا دا جاڭا بيىك بەلەستەردى باعىندىراتىنىنا سەنىمى مول.
