شەتەلدىك ارنايى رەسۋرستاردىڭ دەرەكتەرىنە سۇيەنسەك, الاياقتار Apple كومپانياسىنىڭ اتىنان جالعان SMS نەمەسە iMessage جولدايدى. حابارلامادا تابىلعان iPhone-نىڭ مودەلى, ءتۇسى جانە جادى كولەمى كورسەتىلىپ, فيشينگتىك سىلتەمە بىرگە جىبەرىلەدى. اقپارات شىنايى سياقتى كورىنۋ ءۇشىن ۆيزۋالدى رەسىمدەۋى دە Apple حابارلاماسىنا ۇقساستىرىلعان.
الاياقتاردىڭ ماقساتى – قولدانۋشىنى سىلتەمە ارقىلى ءوتىپ, Apple Find My قىزمەتىنە ۇقساس جالعان پاراقشاعا كىرگىزۋ. سول جەردە ەنگىزىلگەن Apple ID لوگينى مەن قۇپياسوزى بىردەن قاسكويلەردىڭ قولىنا تۇسەدى. بۇل ولار ءۇشىن قۇرىلعى قۇلپىن اينالىپ وتۋگە, تەلەفونعا عانا ەمەس, يەسىنىڭ جەكە مالىمەتتەرىنە دە قول جەتكىزۋگە جول اشادى.
قاۋىپتىڭ كەڭ تارالا باستاعانىن ەسكەرگەن كوميتەت ازاماتتارعا كيبەرقاۋىپسىزدىك تالاپتارىن قاتاڭ ساقتاۋدى ۇسىنادى:
-
كۇماندى سىلتەمەلەرگە وتپەۋ;
-
جوعالعان تەلەفوننىڭ ق ۇلىپتاۋ ەكرانىندا كورسەتىلەتىن بايلانىس ءۇشىن جەكە بولەك ەلەكتروندى پوشا پايدالانۋ;
-
SIM-كارتانى مىندەتتى تۇردە PIN-كودپەن قورعاۋ;
-
قۇرىلعىنى تەك رەسمي icloud.com/find سەرۆيسى ارقىلى عانا تەكسەرۋ.
قۇزىرلى ورگان ازاماتتاردى ساق بولۋعا جانە ينتەرنەتتەگى كۇدىكتى مازمۇندارعا بەيقام قاراماۋعا شاقىرادى.
