وقيعا 22 قاراشا كۇنى بولعان.
«وندىرىستىك جۇمىستاردى ورىنداۋ بارىسىندا ولىمگە الىپ كەلگەن جازاتايىم وقيعا تىركەلدى. 1994 جىلعى الەكساندر مەششانوۆ ەكسكاۆاتوردى تاراتۋ قۇرىلعىسىنا قوسۋ كەزىندە ومىرگە سايكەس كەلمەيتىن جاراقاتتار العان. وقيعانىڭ ءمان-جايى مەن سەبەبى تەرگەۋ بارىسىندا انىقتالادى», دەلىنگەن پوليتسيا حابارلاماسىندا.
وقيعا ورنىندا ارنايى كوميسسيا قۇرىلىپ, جاعدايدىڭ بارلىق ءمان-جايى انىقتالىپ جاتىر. سونىمەن قاتار ەڭبەك قاۋىپسىزدىگى ەرەجەلەرىن بۇزۋ فاكتىسى بويىنشا پوليتسيا الدىن الا تەرگەۋدى باستادى.
«بوگاتىر كومىر» كومپانياسى قازا تاپقان جۇمىسشىنىڭ وتباسىنا قاجەتتى بارلىق كومەك كورسەتىلەتىنىن ايتتى.
ايتا كەتەيىك, «بوگاتىر كومىر» – ەلىمىزدەگى ەڭ ءىرى كومىر كەنىشىنىڭ ءبىرى, ول قازاقستاننىڭ ەنەرگەتيكالىق كاسىپورىندارىن كومىرمەن قامتاماسىز ەتەدى.
