22 قاراشا كۇنى كەشكى ساعات 20:00 شاماسىندا «Qazaq Oil» جانارماي قۇيۋ ستانتسياسىنىڭ ماڭىندا تۇرعىندار قويۋ ءتۇتىن مەن لاپىلداعان وتتى بايقاعان. كۋاگەرلەر اجس ورتەنىپ جاتىر دەپ بولجاپ, الاڭداۋشىلىق بىلدىرگەن.
الايدا وڭىرلىك تجد بۇل مەكەنجاي بويىنشا ەشقانداي شاقىرتۋ تۇسپەگەنىن حابارلادى.
كەيىن بەلگىلى بولعانداي, دۇربەلەڭگە سەبەپ – 1995 جىلى شىعارىلعان Volkswagen Passat. كولىكتىڭ موتور بولىگىندە ەلەكتر سىمدارىنىڭ قىسقا تۇيىقتالۋى سالدارىنان وت تۇتانعان. ابىروي بولعاندا, جالىن ورشىمەي, كولىك يەسى ءورتتى ءوز كۇشىمەن تەز ارادا وشىرگەن. زارداپ شەككەندەر جوق, جانارماي بەكەتىنىڭ جۇمىسىنا ەشقانداي كەدەرگى كەلمەگەن.
