وسىنداي ۇلگىلى ازاماتتاردىڭ ءبىرى -30 جىلدىق تاجىريبەسى بار جۇرگىزۋشى سۆەتلانا شۆاچكينا. ءۇش ونجىلدىقتىڭ ىشىندە ول بىردە-ءبىر رەت جول قوزعالىسى ەرەجەسىن بۇزباعان جانە جول-كولىك وقيعاسىنا قاتىسپاعان.
«كولىك جۇرگىزىپ كەلە جاتقانىما 30 جىلعا جۋىقتادى. وسى ۋاقىت ىشىندە ەشقاشان ەرەجە بۇزعان ەمەسپىن. بۇگىندە جولدا ءجۇرىس-تۇرىس مادەنيەتىن قالاداعى №95 مەكتەپ-گيمنازياسىندا بالالارعا ۇيرەتىپ ءجۇرمىن. وندا “سيرەنا” جاس جول قوزعالىسى ينسپەكتورلارى ۇيىرمەسىن باسقارامىن. جول قاۋىپسىزدىگىن مەكتەپ قابىرعاسىنان باستاپ ۇيرەتۋ - وتە ماڭىزدى», - دەدى سۆەتلانا شۆاچكينا.
پوليتسيا وكىلدەرىنىڭ ايتۋىنشا, اكتسيا اياسىندا وبلىس ورتالىعىندا 100-گە جۋىق جۇرگىزۋشىگە وسىنداي قۇرمەت كورسەتىلگەن.
«شارا “قاۋىپسىز جول” جەدەل-پروفيلاكتيكالىق ءىس-شاراسى اياسىندا وتكىزىلىپ جاتىر. ماقسات - جول-كولىك وقيعالارىنىڭ الدىن الۋ جانە جۇرگىزۋشىلەر اراسىندا ەرەجە ساقتاۋدى ناسيحاتتاۋ», - دەپ مالىمدەدى
اكىمشىلىك پوليتسيا باسقارماسىنىڭ اعا ينسپەكتورى تاتيانا مالينوۆسكايا.
اكتسيا بارىسىندا سۆەتلانا شۆاچكينا بارشا جۇرگىزۋشىلەردى جولدا مۇقيات بولۋعا شاقىردى:
«بارلىق جۇرگىزۋشىلەرگە جول ءجۇرۋ ەرەجەسىن قاتاڭ ساقتاۋدى, جىلدامدىقتى اسىرماۋدى جانە قارسى باعىتقا شىقپاۋ كەرەكتىگىن ەسكەرتەمىن», -دەدى ول.
