ءىس-شاراعا شىمكەنت قالاسى اكىمىنىڭ ورىنباسارى ارمان ءسابيتوۆ, ءىىم كيبەرقىلمىسقا قارسى ءىس-قيمىل دەپارتامەنتى باستىعىنىڭ ورىنباسارى اسلان ۇسكەمباەۆ, قالا پروكۋرورىنىڭ ورىنباسارى مارات ەرجان, ەكونوميكالىق تەرگەۋ دەپارتامەنتى باستىعىنىڭ ورىنباسارى سانات قۇلباەۆ, «Digital Road» IT-يندۋستريا قاۋىمداستىعىنىڭ وكىلى سەيدۋللا يسمايلوۆ جانە پوليتسيا دەپارتامەنتى باستىعىنىڭ ءبىرىنشى ورىنباسارى قۇرمانبەك ساحوۆ قاتىستى.
فورۋمنىڭ نەگىزگى ماقساتى – قوعامدا «زاڭ مەن ءتارتىپ» يدەولوگياسىن كەڭىنەن ناسيحاتتاۋ, حالىقتىڭ تسيفرلىق ساۋاتتىلىعىن ارتتىرۋ, ينتەرنەتتەگى قاۋىپسىزدىك داعدىلارىن دامىتۋ, كيبەرقىلمىستار ءۇشىن جاۋاپكەرشىلىكتى ءتۇسىندىرۋ جانە جەكە دەرەكتەردى قورعاۋدىڭ ماڭىزدىلىعىنا نازار اۋدارۋ بولدى.
ءىس-شارا IT-جابدىقتار مەن روبوتوتەحنيكا كورمەسىمەن باستالىپ, كەيىن قاتىسۋشىلار نازارىنا تەاترلاندىرىلعان كورىنىس ۇسىنىلدى. فورۋمدى ارمان ءسابيتوۆ اشىپ, ينتەرنەت-الاياقتىقپەن جۇيەلى تۇردە كۇرەسۋدىڭ جانە مەملەكەت, كاسىبي ورتا مەن ازاماتتار اراسىنداعى ءوزارا ىقپالداستىقتى ارتتىرۋدىڭ ماڭىزىن اتاپ ءوتتى.
سپيكەرلەر فورۋم بارىسىندا ينتەرنەت-الاياقتىق ءۇشىن قىلمىستىق جاۋاپكەرشىلىك تۋرالى ءتۇسىندىرىپ, مۇنداي قىلمىستاردىڭ كوپشىلىگى ازاماتتاردىڭ سەنگىشتىگىنەن بولاتىنىن ايتتى. قۇرمانبەك ساحوۆ الاياقتىقتىڭ كەڭ تاراعان تاسىلدەرىن, ودان قورعانۋ جولدارىن جانە قوعامدا تسيفرلىق قاۋىپسىزدىك مادەنيەتىن قالىپتاستىرۋ قاجەتتىگىن جان-جاقتى باياندادى.
فورۋمنىڭ ەرەكشە بولىگى – «موشەننيكي» فيلمىندە باستى رولدە ويناعان قازاقستاندىق اكتيور رۇستەم وماروۆتىڭ ۆيدەوۇندەۋى بولدى. ول تۇرعىنداردى ساق بولۋعا, كۇماندى ونلاين-حابارلامالارعا سەنبەۋگە جانە تسيفرلىق ساۋاتتى ۇنەمى ارتتىرۋعا شاقىردى.
بۇدان بولەك, ينتەرنەت-الاياقتىقتىڭ كەڭ تارالعان تۇرلەرى مەن ولاردىڭ سالدارى تۋرالى بەينەروليك كورسەتىلدى. سپيكەرلەر كيبەرقىلمىستاردىڭ الدىن الۋ باعىتىندا قابىلدانىپ جاتقان شارالار جونىندە ايتىپ, الاياقتار الەۋمەتتىك جەلىلەردى, مەسسەندجەرلەردى جانە جالعان ونلاين-سەرۆيستەردى ءجيى پايدالاناتىنىن اتاپ ءوتتى.
فورۋم ازاماتتاردى قابىلداۋمەن اياقتالدى. سالا ماماندارى تۇرعىنداردىڭ ينتەرنەت-الاياقتىققا قاتىستى ساۋالدارىن تىڭداپ, كيبەرقاۋىپتەرگە تاپ بولعان جاعدايدا قانداي ارەكەت جاساۋ كەرەكتىگى جونىندە كەڭەس بەردى.
