سۋرەت جي كومەگىمەن جاسالدى
وسى جۇمىستىڭ العاشقى ناتيجەلەرىنىڭ ءبىرى – كاسىپكەردىڭ بىرىڭعاي جەكە كابينەتى. قازىر ول سىناق رەجىمىندە جۇمىس ىستەپ تۇر. ەرەكشىلىگى – مينيسترلىكتىڭ نەگىزگى مەملەكەتتىك قىزمەتتەرىن ءبىر جەردە بىرىكتىرەدى. ەندى كاسىپكەرلەر مەملەكەتتىك ساتىپ الۋعا قاتىسىپ, سالىق جانە كەدەن دەكلاراتسيالارىن تاپسىرىپ, ەلەكتروندى شوت-فاكتۋرا جازىپ, سالىق تولەپ, قارجى ەسەپتىلىگىن ءبىر ينتەرفەيستە باسقارا الادى. بۇل ۋاقىتتى ۇنەمدەپ, اكىمشىلىك جۇكتەمەنى ايتارلىقتاي جەڭىلدەتەدى.
جاساندى ينتەللەكت بيزنەسكە كەڭەس بەرەدى
مينيسترلىك تسيفرلى مودەرنيزاتسيامەن قاتار جاساندى ينتەللەكت تەحنولوگيالارىن ەنگىزۋگە ەرەكشە كوڭىل ءبولىپ وتىر. سول جوبالاردىڭ ىشىندە بولاشاعى زور شەشىم – جي بيزنەس-كومەكشىسى. بۇل قۇرال كاسىپكەرلەرگە بيزنەس يدەيا پايدا بولعان ساتتەن باستاپ ونىڭ ناقتى ىسكە اسۋىنا دەيىن كومەك كورسەتەتىن تولىققاندى تسيفرلى كەڭەسشى رەتىندە ازىرلەنىپ جاتىر.
جي-دىڭ ەڭ ماڭىزدى قىزمەتتەرىنىڭ ءبىرى – بولاشاق كاسىپكە ەڭ ءتيىمدى ورىندى تاڭداپ بەرۋ. لوكاتسيا – تابىستىڭ نەگىزگى فاكتورلارىنىڭ ءبىرى. دۇرىس تاڭدالعان مەكەن ساتۋ دەڭگەيىن كوتەرەدى, باسەكەلەستى دۇرىس باعالاۋعا كومەكتەسەدى جانە شىعىندى ازايتادى. ال ورىننىڭ ءساتسىز بولۋى تابىستى تومەندەتىپ, شىعىندى كوبەيتەدى.
جي مەملەكەتتىك اقپاراتتىق رەسۋرستارمەن ينتەگراتسيالانعان جانە اۋدانداردىڭ ەكونوميكالىق بەلسەندىلىگىن, سۇرانىس قۇرىلىمىن, جۇمىسپەن قامتۋ دەڭگەيىن, باسەكەلەستىك ورتانى, سالالاردىڭ دامۋ ديناميكاسىن تالدايدى. الگوريتمدەر وسى دەرەكتەر نەگىزىندە ءار لوكاتسيا بويىنشا كۇتىلەتىن كىرىس كولەمىن, رەنتابەلدىلىكتى, تاۋەكەلدەردى بولجاپ, دايىن ۇسىنىس بەرە الادى.
بۇل ءتاسىل شەشىمدەردىڭ دالدىگىن ارتتىرىپ, اسىرەسە شاعىن جانە ورتا بيزنەس ءۇشىن باستاپقى كەزەڭدەگى قاتەلىكتەردەن ساقتانۋعا مۇمكىندىك بەرەدى. ناتيجەسىندە دەرەكتەرگە نەگىزدەلگەن جاڭا بيزنەس مادەنيەتى قالىپتاسادى.
بيزنەس كومەكشىڭىز بولا الادى
تسيفرلى جاڭعىرتۋدىڭ الداعى كەزەڭى – مەملەكەتتىك قىزمەتتەردىڭ پرواكتيۆتى تۇردە ۇسىنىلۋى. دەرەكتەر جەتكىلىكتى جيناقتالعان سايىن مەملەكەتتىك جۇيەلەر كاسىپكەرلەردىڭ قانداي كومەككە مۇقتاج ەكەنىن وزدەرى انىقتاپ, ارنايى باعدارلامالاردى, جەڭىلدىكتەردى جانە ماڭىزدى حابارلامالاردى اۆتوماتتى تۇردە ۇسىنا الادى.
بۇل – قىزمەتتى كاسىپكەر ىزدەمەيتىن, كەرىسىنشە, جۇيە كاسىپكەردى ءوزى تاۋىپ, ۇسىنىس بەرەتىن مودەل.
مەملەكەتتىك سەرۆيستەردى ينتەگراتسيالاۋ, بىرىڭعاي كابينەت قۇرۋ جانە جي تەحنولوگيالارىن ەنگىزۋ – ەلدە جاڭا تسيفرلى ەكوجۇيەنى قالىپتاستىرۋدا ماڭىزدى ءرول اتقارادى. ناتيجەسىندە كاسىپكەرلەر ءۇشىن جۇمىس ىستەۋ ۇدەرىسى جىلدام, ءتيىمدى جانە زاماناۋي ستاندارتتارعا جاقىندايدى, ال مەملەكەتتىك ورگاندارمەن ءوزارا ءىس-قيمىل جەڭىلدەيدى.
